​श्वेताचा गर्भावस्थेतील स्टाईलिश लूक

श्वेता साळवेने सोशल मीडियावर तिचे गर्भावस्थेतील काही फोटो शेअर केले आहेत.

सतत काही तरी वेगळे करण्याची, समाजाची संकुचित चौकट मोडण्याची इच्छा प्रत्येकाला होत मात्र, तसे करण्याची उर्मी फार कमी लोकांमध्ये असते. अशा अपवादात्मक लोकांमध्ये आता टीव्ही अ‍ॅक्ट्रेस श्वेता साळवेचे नाव आवर्जुन घ्यावे लागेल.टीव्ही रिअ‍ॅलिटी शो ‘झलक दिख ला जा’मधून प्रसिद्धीच्या झोतात आलेली श्वेता लवकरच आई होणार आहे. प्रेग्नंसी म्हटले की, अनेक महिलांना त्यांच्या सौंदर्याची चिंता सतावू लागते.सुडौल शरीर म्हणजेच सौंदर्य हा समज खोडून टाकण्यासाठी तिने सोशल मीडियावर तिचे गर्भावस्थेतील काही फोटो शेअर केले आहेत. नुकतेच तिने बिकिनी घातलेला फोटो इन्टाग्रामवर पोस्ट केला होता. आता आणखी काही स्टाईलिश फोटो तिने चाहत्यांशी शेअर केले आहेत.  असे करून जणू ती महिलांच्या सौंदर्याविषयी असणारे सर्व गैरसमज दुर करू पाहत आहे. मग ते स्वीमिंग करतानाचे फोटो असू देत की, नवऱ्यासोबत मौजमस्तीचे क्षण. श्वेता तिच्या शरीराच्याबाबतीत एकमद  कॉन्फिडेंट दिसते.आपण जसे आहोत तसे राहणे महत्त्वाचे. आई होणे हे प्रत्येक महिलेच्या आयुष्यातील सर्वात महत्त्वाची गोष्ट असते. त्या काळात शरीर ‘आऊट आॅफ शेप’ असते म्हणून लाज बाळगायची गरज नाही, हाच संदेश ‘लेफ्ट राईट लेफ्ट’ फेम श्वेता देत आहे.