मंडणगड : पाेहायला गेलेल्या प्राैढाचा भारजा नदीपात्रात बुडून मृत्यू झाल्याची घटना ४ मे राेजी घडली. बुधवारी त्यांचा मृतदेह पाण्यावर तरंगताना आढळून आला. धीराज धर्मराज खैरे (वय ५०, रा. आतले - बाैद्धवाडी, ता. मंडणगड) असे मयताचे नाव आहे.
यासंदर्भात बोणकाेट सागरी पोलीस ठाण्यातून मिळालेल्या माहितीनुसार, धीराज खैरे हे मंगळवार, ४ रोजी नेहमीप्रमाणे भारजा नदीत पोहायला गेले होते. ते पोहण्यात पटाईत होते. मंगळवारी त्यांनी पाण्यात उडी घेतली. पाण्यातील दगडाचा अंदाज न आल्याने ते दगडावर पडले. यामध्ये त्यांच्या डोक्याला दुखापत झाली. लोकांना ते नेहमीप्रमाणे पाण्यात काही कसरती करत असल्याचे वाटले, पण बराच वेळ ते पाण्याबाहेर न आल्याने शाेधाशाेध सुरू झाली. बुधवारी त्यांचा मृतदेह पाण्यावर तरंगताना आढळला. बाणकोट पोलीस ठाण्यात याची आकस्मिक मृत्यूची नाेंद करण्यात आली. शवविच्छेदन मंडणगड ग्रामीण रुग्णालयात करण्यात आले.