रत्नागिरी : शहरातील पऱ्याची आळी येथे प्रौढाने राहत्या घरी गळफास घेऊन आत्महत्या केल्याची घटना रविवारी २५ एप्रिल रोजी सकाळी ७.४५ वाजण्याच्या सुमारास उघङकीस आली. घन:श्याम कृष्णा कुष्टे (४७, रा. श्रीहरी अपार्टमेंट पऱ्याची आळी, रत्नागिरी) असे आत्महत्या केलेल्या प्रौढाचे नाव आहे. आत्महत्येमागचे कारण समजू शकलेेले नाही.
याबाबत त्यांचा भाऊ जयदीप कृष्णा कुष्टे (४४) यांनी शहर पोलिसांना माहिती दिली. त्यानुसार, शनिवारी रात्री घन:श्याम जेवायला आले नसल्याचे आईने जयदीप यांना सांगितले. म्हणून रविवारी सकाळी जयदीप कुष्टे हे घन:श्याम यांच्या रूमवर गेले असता, तेथे घन:श्यामने आत्महत्या केल्याचे त्यांनी पाहिले. याबाबत त्यांनी तातडीने शहर पोलिसांना माहिती दिली. पोलिसांनी घटनास्थळी जाऊन पंचनामा करून मृतदेह उत्तरीय तपासणीसाठी जिल्हा शासकीय रुग्णालयात पाठवला. याप्रकरणी अधिक तपास पोलीस हेडकाॅन्स्टेबल जाधव करत आहेत.