लांजा : तालुक्यातील कोरोना रुग्णांमध्ये रविवारी घट झाली असून, तालुक्यात ३३ काेराेना पाॅझिटिव्ह आढळले आहेत़ रुग्णांमध्ये घट झाल्याने त्यामुळे नागरिकांना मोठा दिलासा मिळाला आहे.
गेली तीन दिवस तालुक्यात मोठ्या प्रमाणात कोरोनाचे रुग्ण आढळल्याने नागरिकांची चिंता वाढली होती. रविवारी करण्यात आलेल्या अँटिजन कोरोना चाचणीत केवळ ६ कोरोना रुग्णांची पाॅझिटिव्ह अहवाल आला आहे तसेच आरटीपीसीआर कोरोना चाचणीत २७ जणांचा अहवाल पाॅझिटिव्ह आला आहे. रविवारी आढळलेल्या रुग्णांमध्ये वाडिलिंबू ३, वाघ्रट २, लांजा शहर २, कुवे वाघरेवाडी १, लांजा सार्दळवाडी १, मठ १, लांजा रेस्ट हाऊस १, विवली बौद्धवाडी १, रुण मठवाडी २, रुग्ण १७, लांजा राजयोग पार्क २ यांचा समावेश आहे़ तालुक्यात कोरोनाचे एकूण रुग्णसंख्या १६१५ झाली आहे. त्यामधून १२१२ जणांनी कोरोनावर यशस्वी मात केली असून, सध्या तालुक्यात ३३७ कोरोनाचे रुग्ण ॲक्टिव्ह आहेत तर ६६ जणांचा कोरोनाने बळी घेतला आहे.