ठळक मुद्देचिपळुणातील जवानाचा मध्यप्रदेशमध्ये अपघाती मृत्यूपिंपळी येथील स्मशानभूमीत शासकीय इतमामात अंत्यसंस्कार
चिपळूण : तालुक्यातील पिंपळीखुर्द येथील विशाल रघुनाथ कडव यांचे मध्यप्रदेशमधील सागर शहरात येथे अपघाती मृत्यू झाल्याची घटना घडली आहे.गेले १३ वर्षे विशाल कडव हे मराठा बटालियन मध्ये पॅरा कमांडो म्हणून काम करत होते. मध्यप्रदेशमध्ये आपले कर्तव्य बजावत असताना त्यांचा अपघाती मृत्यू झाला. मात्र, हा अपघात नेमका कसा झाला याची माहिती मिळू शकलेली नाही. त्यांच्या निधनाचे वृत्त पिंपळीखुर्द येथील गावी येताच गावावर शोककळा पसरली होती.सोमवारी रात्री मुंबई विमानतळावर त्यांचे पार्थिव आले, नंतर मंगळवारी सकाळी १०.३० वाजता पिंपळी येथील स्मशानभूमीत शासकीय इतमामात अंत्यसंस्कार झाले.