दापोली : शहरात पेट्रोलिंग करत असताना एका गाडीची तपासणी केली असता, त्यात दापाेली पाेलिसांना गाेमांस आढळले. या गाडीतून पाेलिसांनी तब्बल २२० किलाे गाेमांस जप्त केले आहे. याप्रकरणी पाेलिसांनी मंडणगडमधील दाेघांना अटक केली असून, त्यांना मदत करणाऱ्या अन्य दाेघांचा पाेलीस शाेध घेत आहेत.
याबाबत अधिक वृत्त असे की, दापोली पोलीस रविवारी रात्री पेट्रोलिंग करत असताना त्यांना काळकाई कोंड परिसरात एक मारुती ओमनी गाडी दिसली. ही गाडी मंडणगड तालुक्यातील लाटवण येथून दापाेलीत आली हाेती. पाेलिसांनी या गाडीची तपासणी केली असता, त्यामध्ये २२० किलो गोमांस सापडले. याप्रकरणी पाेलिसांनी अल्ताफ पेटकर (४८) व जुबेर खलफे (४०) या मंडणगड येथील दाेघा संशयितांना अटक केली आहे. त्यांना मदत करणाऱ्या मुस्तीद खलिपे व अजमल पेटकर यांचा दापोली पोलीस शोध घेत आहेत.
पोलिसांनी अटक केलेल्या दाेघांवर महाराष्ट्र प्राणी संरक्षण अधिनियम २०१५चे कलम ५ (ब), (क) ९ (अ) व मोटर वाहन कायदा कलम ३/ ११८, १३०, १७७, १३३, १९४ व भारतीय दंड विधान कलम ४२९, ३४, २२४ अन्वये गुन्हा दाखल केला आहे. उपविभागीय पोलीस अधिकारी डॉ. सुदर्शन राठोड यांच्या मार्गदर्शनाखाली अधिक तपास सहाय्यक पोलीस निरीक्षक पूजा हिरेमठ करत आहेत.