रत्नागिरी : ब्राऊन हेराॅईन या अमली पदार्थाची तस्करी करणाऱ्या एका प्राैढाला रत्नागिरी शहर पाेलिसाच्या पथकाने गस्तीदरम्यान ताब्यात घेतले आहे. ही कारवाई ९ मे राेजी रत्नागिरी रेल्वे स्थानक परिसरात करण्यात आली असून, या पदार्थाचे वजन १२.१८ ग्रॅम इतके आहे. पाेलिसांनी माेहसिन अब्दुल गणी शेख (२६, रा. चर्च राेड, मच्छीमार्केट, रत्नागिरी) याला ताब्यात घेतले आहे.
रत्नागिरी शहर पाेलिस स्थानक गुन्हे प्रकटीकरण पथकातील पाेलिस उपनिरीक्षक आकाश साळुंखे व पाेलिस अंमलदारांनी ही कारवाई केली. रत्नागिरी शहर परिसरातील भागामध्ये पाेलिसांची गस्त सुरू हाेती. या गस्तीदरम्यान रेल्वे स्थानकातील प्लॅटफाॅर्म १ वरुन पार्सल गेटने पार्किंगकडे जाणाऱ्या रस्त्यावर माेहसिन सॅक लावून संशयास्पदरित्या उभा हाेता. त्याची अंगझडती घेतली असता त्याच्या पॅन्टच्या खिशात पाच पारदर्शक प्लास्टिक पिशव्या मिळाल्या. त्यामध्ये ४५० टर्की पावडर असलेल्या कागदी पुड्या हाेत्या. अमली पदार्थाची प्राथमिक तपासणी केली असता त्यामध्ये ब्राऊन हेराॅईन असल्याचे निष्पन्न झाले आहे. त्याच्यावर शहर पाेलिस स्थानकात गुन्हा दाखल करण्यात आला आहे.
ही कारवाई पाेलिस हेडकाॅन्स्टेबल प्रसाद घाेसाळे, गणेश सावंत, प्रवीण बर्गे, अमाेल भाेसले, पाेलिस नाईक आशिष भालेकर, विनय मनवल, रत्नकांत शिंदे यांनी केली.