- जयंत धुळप
अलिबाग : अलिबाग जवळच्या कार्लेखिंड घाटात शिवशाही बसने एका मिनीडाेर रिक्षाला ओव्हरटेक करुन समाेरुन येणाऱ्या साध्या एसटी बसला जाेरदार धडक दिली. या अपघातात 3 प्रवासी गंभीर जखमी झाले असून 35 प्रवासी जखमी झाले आहे. ही घटना गुरुवारी सकाळी 9.45 वाजण्याच्या सुमारास घडली.
कार्लेखिंड घाटात मुरुड-स्वारगेट शिवशाही बस (क्र.MH04-GD8739) ही समाेरुन येणाऱ्या पनवेल-अलिबाग या साध्या एसटी बसला ( क्र.MH14-BL-1877) जाऊन धडकली. त्यामुळे हा अपघात घडल्याचे प्रत्यक्षदर्शींनी सांगितले. तर, या अपघातात 3 प्रवासी गंभीर जखमी झाले असून 35 प्रवासी जखमी झाल्याचे रायगड जिल्हा वाहतुक पाेलीस विभाग प्रमुख सुरेश वराडे यांनी सांगितले.
दरम्यान, सर्व जखमींना येथील जिल्हा सरकारी रुग्णालयात दाखल करण्यात आले आहे.