- मधुकर ठाकूर
उरण : उरण तालुक्यातील शिवसेनेचा (उध्दव ठाकरे गट) ढाण्या वाघ जे.पी.म्हात्रे (६०) यांचे शुक्रवारी (२३) दुःखद निधन झाले.ते बऱ्याच दिवसांपासून कॅन्सरच्या दुर्धर आजाराने पिडीत होते. ते १९८७ साली शाखा स्थापनेपासून शाखाप्रमुखपदी कार्यरत होते. त्यांनी मागील २५ वर्ष नवीन शेवा ग्रामपंचायतीच्या सरपंचपदाचा धुरा समर्थपणे सांभाळली होती. त्यांच्यावर सोपविण्यात आलेली संपर्क प्रमुख पदाची जबाबदारीही चोखपणे पार पाडली.
अजातशत्रु म्हणून तालुक्यात ओळखले जाणाऱ्या जेपींवर अखेर शुक्रवारी काळाने घाला घातला. त्यांच्यांवर शुक्रवारी रात्री उशिरा नवीन शेवा स्मशानभूमीत अंत्यसंस्कार करण्यात आले.या अंत्यसंस्कार प्रसंगी माजी आमदार जिल्हा प्रमुख मनोहर भोईर, जेएनपीए कामगार ट्र्स्टी दिनेश पाटील, माजी कामगार ट्र्स्टी भुषण पाटील, उपजिल्हाप्रमुख नरेश रहाळकर, शिवसेनेचे अन्य पदाधिकारी , शिवसैनिक, ग्रामस्थ ,नागरिक बहुसंख्येने सहभागी झाले होते.त्यांच्या पश्चात पत्नी, मुलगा, दोन मुली असा परिवार आहे.