पनवेल : खारघर शहरातील सेक्टर ३४ ए मधील खुटुकबांधण गावाजवळील अनधिकृत बांधकामावर सिडकोने कारवाई केली. यात दोन मजली आरसीसी बांधकाम जमीनदोस्त करण्यात आले. खारघर पोलिसांसह सिडकोचा मोठा फौजफाटा घटनास्थळी उपस्थित होता.तळमजला अधिक दोन मजले जेसीबी व पोकलेनच्या साहाय्याने जमीनदोस्त करण्यात आले. संबंधित बिल्डरला सिडकोमार्फत बांधकाम हटविण्याची नोटीस बजावण्यात आली होती. मात्र नोटिशीची दखल घेतली न गेल्याने मंगळवारी हे बांधकाम जमीनदोस्त करण्यात आल्याची माहिती अनधिकृत बांधकाम नियंत्रण विभागातील अधिकारी विशाल ढगे यांनी दिली. कारवाईसह शहरातील इतर अनधिकृत बांधकामही यावेळी जमीनदोस्त करण्यात आले.
खारघरमधील बांधकामावर सिडकोचा हातोडा
By लोकमत न्यूज नेटवर्क | Updated: March 12, 2019 23:12 IST