अलिबाग - रायगड प्रेस क्लबचे यंदाचे सन्मान जाहीर करण्यात आले त्या मध्ये आचार्य अत्रे राज्यस्तरीय संपादक सन्मान दै. लोकमत मुंबई आवृत्तीचे संपादक अतुल कुलकर्णी यांना, जीवन गौरव सन्मान म्हसळ्याचे जेष्ठ पत्रकार संजय खांबेटे यांना तसेच निशिकांत उर्फ नानासाहेब जोशी स्मृती जेष्ठ पत्रकार सन्मान रेवदंड्याचे जेष्ठ पत्रकार अभय आपटे यांना जाहीर करण्यात आले आहेत. हे सन्मान पुरस्कार १८ फेब्रुवारी सायंकाळी ५ वाजता श्रीवर्धन येथे होणाऱ्या रायगड प्रेस क्लबच्या १९ व्या वर्धापन दिनी या सन्मान सोहळ्याचे अध्यक्ष,मराठी पत्रकार परिषदेचे मुख्य विश्वस्त एस एम देशमुख यांच्या आणि मान्यवरांच्या हस्ते प्रदान करण्यात येणार आहेत प्रदान करण्यात येणार असल्याची माहिती प्रेस क्लबचे अध्यक्ष मनोज खांबे यांनी दिली.
माणगाव शासकीय विश्रामगृहात रायगड प्रेस क्लबच्या कार्यकारणीची बैठक मराठी पत्रकार परिषदेचे कार्याध्यक्ष मिलिंद अष्टीवकर यांच्या प्रमुख उपस्थितीत आणि रायगडचे जिल्हाध्यक्ष मनोज खांबे यांच्या अध्यक्षतेखाली संपन्न झाली. यावेळी यंदाचे रायगडचे सर्व सन्मान निश्चित करून आज ते जिल्हाध्यक्ष मनोज खांबे यांनी एका प्रसिध्दी पत्रकाद्वारे जाहीर केले.
रायगड प्रेस क्लबचे पुढील सन्मान पुरस्कार, प्रकाश काटतरे स्मृती निर्भीड पत्रकार सन्मान पुरस्कार अलिबागचे महेंद्र दुसार यांना, दिपक शिंदे स्मृती सिनिअर व्हिडिओ जर्नालिस्ट सन्मान पुरस्कार कोलाडचे मोहन जाधव यांना, ॲड. जनार्दन पाटील स्मृतीशोध पत्रकारिता सन्मान पुरस्कार कर्जतचे दीपक पाटील यांना, संतोष पवार स्मृती युवा पत्रकार सन्मान पुरस्कार खोपोलीचे काशिनाथ जाधव यांना, डॉ. सचिन पाटील स्मृती पत्रकारिता सन्मान पुरस्कार महाडचे इलियास ढोकले यांना, सावित्रीबाई फुले महिला पत्रकार सन्मान येथील न्यूज १८ लोकमतच्या स्नेहल पाटकर ( रोहा ), ॲक्टीव्ह व्हिडिओ जर्नालिस्ट सन्मान पुरस्कार पुनम धुमाळ, (माणगाव), सामाजिक कार्यकर्ता सन्मान पुरस्कार पेणचे सामाजिक कार्यकर्ते संतोष ठाकूर यांना जाहीर करण्यात आले. विशेष सन्मान श्रीवर्धनचे जेष्ठ पत्रकार विजय गिरी यांना जाहीर करण्यात आले आहेत. रायगड जिल्हा श्रमिक पत्रकार संघाचे सन्मान श्रीवर्धनचे संतोष रेळेकर आणि रोह्याचे रवींद्र कान्हेकर यांना जाहीर करण्यात आले आहेत.