पनवेल: पेणकडून पनवेलकडे येणाऱ्या रिक्षेला पळस्पे गावाजवळ जेडब्ल्यूसी कंपनी समोर ट्रेलरने धडक दिल्याने झालेल्या अपघातात रिक्षामधील प्रवासी महिला आणि रिक्षाचालक यांचा दि.25 रोही सकाळी जागीच मृत्यू झाला आहे. याप्रकरणी ट्रेलरचालकाविरोधात गुन्हा दाखल करण्यात आला आहे.
पेण जिते येथील रहिवाशी प्रभावती चांगा पाटील (जिते, पेण) या रिक्षामधून आज सकाळी पेणकडून पनवेलकडे पळस्पे जवळील जेडब्ल्यूसी कंपनी समोर आले असताना ट्रेलर क्र एमएच ४३ बीएक्स ६३५९ वरील चालकाने त्याच्या ताब्यातील ट्रेलर भरधाव वेगाने व हयगयीने चालवून समोरून येत असलेल्या रिक्षेला धडक दिली. यामध्ये रिक्षामधील प्रवाशी प्रभावती पाटील आणि रिक्षाचालक नवीद नदाब शेख (रा. कल्याण) यांचा जागीच मृत्यू झाला. या अपघातानंतर ट्रेलरचालक फरार झाला असून पनवेल शहर पोलीस त्याचा शोध घेत आहेत.