माळेगाव : तात्यासाहेब काळे व राजेंद्र तावरे यांची हिंद मजदूर सभेवर निवड करण्यात आली आहे. काळे यांची हिंद सभेच्या उपाध्यक्षपदी तर तावरे यांची हिंद मजदूर सभेच्या कार्यकारिणी सदस्य म्हणून नुकतीच नियुक्ती केली आहे.
महाराष्ट्रातील साखर कामगारांना अत्यंत चांगल्या प्रकारे १२ टक्के पगारवाढ करून दिली. ही पगारवाढ देत असताना प्रचंड अडचणी आल्या, परंतु त्यातून मार्ग काढत साखर कामगारांच्या समस्या सोडविण्याचे काम या कामगार नेत्यांनी केल्यामुळे या कामाची पावती म्हणून त्यांची निवड करण्यात आली आहे.
महाराष्ट्र राज्य प्रतिनिधी मंडळाचे अध्यक्ष काळे व सचिव तावरे यांनी सर्वच घटकांतील कामगारांच्या अडचणी सोडविण्याच्या कामासाठी यांना बरोबर घ्यावे, अशी अपेक्षा हिंद मजदूर सभेचे सरचिटणीस संजय वढावकर यांनी व्यक्त केली.
गेली २५ वर्षांपासून साखर कामगारांच्या न्याय-हक्कासाठी आम्ही लढत आहोत. त्यामुळेच आमच्या कार्याची दखल घेऊन, आता आम्हाला देशपातळीवर काम करण्याची संधी दिल्याने आनंद होत आहे.
कामगार नेते - राजेंद्र शिवाजीराव तावरे
फोटो ओळी : तात्यासाहेब काळे, राजेंद्र तावरे
१४०९२०२१-बारामती-१०
————————————————