Shivajinagar Vidhan sabha assembly election result 2024 : शिवाजीनगर विधानसभा मतदारसंघात भाजप महायुतीचे उमेदवार सिद्धार्थ शिरोळे यांची घोडदौड जोरदार सुरू आहे. १३व्या फेरीअखेर शिरोळे यांनी २३,१९२ मतांनी आघाडी घेतली आहे. त्यांच्या विरोधात काँग्रेसचे उमेदवार दत्ता बहिरट आणि काँग्रेसचे बंडखोर मनीष आनंद हे निवडणूक रिंगणात होते. मात्र, मतविभाजनाचा थेट फायदा सिद्धार्थ शिरोळे यांना झाल्याचे स्पष्ट दिसत आहे.
फेरीनिहाय निकालांचा आढावा
११वी फेरी:
सिद्धार्थ शिरोळे: ४,३९३ मते
दत्ता बहिरट: २,२८१ मते
मनीष आनंद: ३४० मते
१२वी फेरी:
सिद्धार्थ शिरोळे: ४,८७४ मते
दत्ता बहिरट: २,३३७ मते
मनीष आनंद: २२४ मते
१३वी फेरी:
सिद्धार्थ शिरोळे: ४,०९० मते
दत्ता बहिरट: ३,१०२ मते
मनीष आनंद: ३३४ मते
एकूण निकाल (१३ फेऱ्यांनंतर):
सिद्धार्थ शिरोळे (भाजप): ५१,३४७ मते
दत्ता बहिरट (काँग्रेस): २८,१५५ मते
मनीष आनंद (काँग्रेस बंडखोर): ११,२४८ मते
मतविभाजनाचा फटका काँग्रेसला
काँग्रेसचे अधिकृत उमेदवार दत्ता बहिरट यांच्यासोबतच बंडखोर मनीष आनंद यांनीही मैदानात उतरल्यानंतर मतांची विभागणी झाली. त्यामुळे काँग्रेसच्या एकत्रित मतांवर परिणाम झाला आहे. शिरोळे यांच्या बाजूने भाजपच्या संघटित प्रचाराची ताकद आणि महायुतीचा जनाधार दिसून आला आहे.
इथे क्लिक करा > महाराष्ट्र विधानसभा निकाल २ ० २ ४
शिरोळे यांची घोडदौड सुरूच
१३व्या फेरीअखेर शिरोळे यांच्या आघाडीमुळे शिवाजीनगर मतदारसंघात भाजपचे वर्चस्व अधिक ठळक झाले आहे. २० फेऱ्यांच्या मतमोजणीत अद्याप अंतिम निकाल बाकी असला, तरी आघाडी कायम राहिल्यास शिरोळे यांचा विजय निश्चित होऊ शकतो. आता पुढील फेऱ्यांतील आकडेवारीवर लक्ष लागले आहे.