ब्लॅकमेल करून शाळकरी मुलीवर बलात्कार

कडूस (ता. खेड) येथील पंधरा वर्षीय शालेय मुलीवर अत्याचार करून त्याचे अश्लील चित्रण व्हायरल करण्यात आल्याचे प्रकरण उघडकीस आले आहे.

राजगुरुनगर : कडूस (ता. खेड) येथील पंधरा वर्षीय शालेय मुलीवर अत्याचार करून त्याचे अश्लील चित्रण व्हायरल करण्यात आल्याचे प्रकरण उघडकीस आले आहे. गेल्या महिनाभरापासून हा प्रकार घडत असून पोलिसांनी बलात्कार, बाललैंगिक अत्याचारविरोधी कायदा, अ‍ॅट्रॉसिटीअन्वये गुन्हा दाखल केला आहे.सचिन रघुनाथ टोके (वय २०) आणि त्याचा साथीदार मयुर दगडु टोके (वय २३, दोघेही रा. कडूस) यांना खेड पोलिसांनी अटक केली आहे. खेड उपविभागीय पोलीस कार्यालयातील सूत्रांनी दिलेल्या माहितीनुसार, मावस बहिणीसोबत दहावी इयत्तेत शिकणाऱ्या तिच्या मैत्रिणीला आरोपीने ओळखीचा गैरफायदा घेत सेल्फी फोटो काढला. हा फोटो डिलीट करण्याच्या बदल्यात एकांतात नेऊन बलात्कार केला. यावेळी झाडाच्या आड लपून बसलेल्या मित्राने चित्रीकरण केले.त्यानंतर पुन्हा दोन आठवड्यांनी असेच आणखी फोटो डिलीट करण्याच्या निमित्ताने पुन्हा एकांतात बोलवले. पुन्हा तिच्यावर बलात्कार करण्यात आला. या सर्व प्रकाराचे तेथे लपून बसलेल्या मयूर टोके याने मोबाईलमध्ये चित्रीकरण केले. यानंतर हा व्हिडिओ तिला दाखवत ब्लॅकमेल करण्यात आले. व्हिडीओ व्हायरल करण्याची भिती घालत पुन्हा एकदा पीडितेवर अत्याचार करण्यात आला. त्यानंतर वर्गामधील एका मुलीने आरोपीबरोबरचा अश्लिल व्हिडीओ पाहिल्याचे मुलीला सांगितले. तिने हा प्रकार घरी सांगितला. तिच्या आईने खेड पोलीस ठाण्यात फिर्याद दाखल केली आहे.संशयित आरोपींना न्यायालयाने मंगळवारपर्यंत (दि. २५) पोलीस कोठडी दिली आहे. अधिक तपास उपविभागीय अधिकारी गजानन टोम्पे करीत आहेत.