सकाळी बैलगाडीत मोटारसायकल व गॅस सिलिंडर घेऊन मोर्चा काढण्यात आला. काही काळ प्रतीकात्मक रस्ता रोको करण्यात आला. मोदी सरकारविरोधी घोषणा देण्यात आल्या.
नीरा राष्ट्रवादी कॉंग्रेसचे शहर अध्यक्ष प्रमोद काकडे यांच्या नेतृत्वाखाली राष्ट्रवादी युवक पदाधिकाऱ्यांनी नियोजन केले. शेतकऱ्यांचे प्रतीक असलेल्या बैलगाडीत, मोटारसायकल व घरगुती गॅस सिलिंडरची फेरी काढण्यात आली. या वेळी सरपंच तेजश्री काकडे, पुणे जिल्हा राष्ट्रवादी कॉंग्रेसचे उपाध्यक्ष भैय्यासाहेब खाटपे, माजी जिल्हा परिषदेचे सदस्य दत्ता चव्हाण, विराज काकडे, तालुका महिला उपाध्यक्ष कोमल निगडे, राजेश चव्हाण, कांचन निगडे, नीरा शहर महिला अध्यक्ष तनुजा शहा, सरचिटणीस विष्णू गडदरे, बाप्पूसाहेब पाटोळे, दादा गायकवाड, धर्मेंद्र येवले, अनिकेत सोनवणे, ऋषिकेश धायगुडे, आप्पा चव्हाण, अजय राऊत, अजित सोनवणे, महेश धायगुडे, जलील काझी, संतोष मोहिते, सुनील पाटोळे, उमेश चव्हाण, पृथ्वीराज चव्हाण, संजय चव्हाण, मोहम्मद अली मुलाणी इत्यादींसह राष्ट्रवादी काँग्रेसचे कार्यकर्ते उपस्थित होते. प्रास्ताविक सदस्य अनिल चव्हाण यांनी केले. नीरा पोलीस दूरक्षेत्राचे पोलीस उपनिरीक्षक कैलास गोतपागर यांसह पोलीस कर्मचाऱ्यांनी चोख बंदोबस्त ठेवला होता.
आधीच कोरोनामुळे लोकांच्या रोजीरोटीचा प्रश्न निर्माण झाला आहे. त्यातच भर म्हणून गॅस, पेट्रोल व डिझेलच्या तसेच खतांच्या किमती झपाट्याने वाढत आहेत. पेट्रोलचे दर शंभर रुपयांच्यावर गेलेले आहेत. अशा या केंद्रातील शेतकरीविरोधी भाजपा सरकारच्या विरोधात, तसेच वाढती महागाई व इंधन दरवाढी विरोधात निषेध व रास्ता रोको आंदोलन करावी लागत आहेत.
-तेजश्री काकडे, सरपंच, नीरा ग्रामपंचायत
नीरेच्या मुख्य बाजारपेठेत शहर राष्ट्रवादी काँग्रेसच्यावतीने केंद्र सरकारच्या महागाईविरोधात बैलगाडीत गॅस व मोटारसायकल घेऊन मोर्चा काढण्यात आला. (छाया : भरत निगडे)