जारकरवाडी फाटा येथे ७० हजारांचा ऐवज लंपास

खेडेकर यांचे जारकरवाडी फाटा येथे रसवंती गृह व किराणा मालाचे दुकान असून रविवारी नेहमीप्रमाणे ते आपले दुकान बंद करून घरी आले होते. त्यानंतर दि. १ मार्चला ते सकाळी सात वाजता आपले दुकान उघडण्यासाठी आले असता दुकानाच्या छताचा पत्रा त्यांना उचकटलेला दिसला. त्यावेळी त्यांनी आत जाऊन पाहिले असता किराणा साहित्य व सीसीटीव्ही मशीन, रसाचे मशीन अज्ञाताने लंपास केल्याचे निदर्शनास आले. या चोरीत ३० हजार रुपये किमतीचे उसाच्या रसाचे मशीन ,१५ हजार रुपये किमतीचा सीसीटीव्ही,डी.व्ही.आर मशीन व २५ हजार रुपये किंमतीचे किराणा साहित्य असे एकूण ७० हजार रुपयांचा ऐवज चोरी झाला आहे. अधिक तपास पोलीस नाईक हागवणे करत आहे.