खरपुडी (खुर्द) ग्रामपंचायतीच्या सरपंचपदी हिरामण मलघे

खरपुडी येथील ग्रामपंचायत कार्यालयात निवडणूक निर्णय अधिकारी एस. एम. कांबळे, ग्रामसेवक डी. एन. शेलार, नवनाथ बरबटे, रविंद्र खंडागळे यांच्या देखरेखेखाली निवडणूक घेण्यात आली. सरपंचपदासाठी हिरामण मलघे व उपसरपंच पदासाठी पूनम गाडे यांनी उमेदवारी अर्ज दाखल केले होते. अर्ज भरण्याच्या मुदतीत दोन अर्ज आल्याने मलघे यांची सरपंचपदासाठी, तर गाडे यांची उपसरपंचपदासाठी बिनविरोध निवड झाली. निवडणूक बिनविरोध होण्यासाठी कृषी उत्पन्न बाजार समितीचे माजी सभापती दशरथ गाडे, कांताराम शिंदे, निवृती डेरे, सीताराम गाडे, माणिक गाडे, शांताराम शिंदे, मोतीराम काळे, रामभाऊ गाडे, निवृती गाडे, सोपान गाडे, प्रशांत गाडे, कुंडलिक गाडे, मुरलीधर गाडे, संतोष गाडे, सोनू गाडे यांच्यासह ग्रामस्थांनी सहकार्य केले. दरम्यान निवडीनंतर ग्रामस्थांनी भंडार गुलालाची उधळण करत आनंद व्यक्त केला. सरपंच, उपसरपंच यांचे पुष्पहार घालून स्वागत करण्यात आले.