चाकण : चाकण- तळेगाव रस्त्यावर बुधवारी रात्री साडेसातच्या सुमारास टँँंकरमधून गॅस गळती झाली. गाडी उभी करून वाहन चालकाने पळ काढल्याने चाकण-तळेगाव रस्त्यावर मोठी वाहतूक कोंडी झाली दोन्ही बाजूला ५-६ किलो मीटरपर्यंत वाहनांच्या रांगा लागल्या होत्या. गॅस भरलेला टंकर मुंबई बाजूकडून चाकणकडे जात होता. घटनास्थळी चाकण पोलीस ठाण्यातील सहा व पंतप्रधान बंदोबस्तातील १५ असे एकूण २१ पोलीस रवाना झाले असून फायर ब्रिगेडच्या दोन गाड्या रवाना झाल्या होत्या. भारत गॅसच्या शिक्रापूर येथील अधिकाऱ्यांना कळविण्यात आले असून रात्री ९ वाजेपर्यंत अधिकारी पोहोचले नव्हते. कुठलीही दुर्घटना घडू नये म्हणून गावातील वीज पुरवठा खंडित करण्यात आला होता. रस्त्याच्या दोन्ही बाजूला ५ ते ६ किलोमीटर पेक्षा जास्त अंतरावर वाहनांच्या तीन पदरी रांगा लागल्या आहेत. पोलिसांनी देहूफाटा मार्गे व चाकण एमआयडीसी तून तळवडे मार्गे वाहतूक वळविण्याच्या सूचना दिल्या आहेत. (वार्ताहर)
खालुंब्रेत गॅसगळती
By admin | Updated: February 12, 2015 02:26 IST