आंबेगाव गावठाण, थोरांदळे, गंगापूर बु., पिंपळगाव तर्फे घोडा, राजपूर, राजेवाडी, पांचाळे बु., माळीण, शिनोली, आसाणे, कोंढवळ, ढाकाळे, पोखरी, जांभोरी व तिरपाड या आंबेगाव तालुक्यातील मुदत संपणा-या १५ ग्रामपंचायती असून नव्याने स्थापन झालेल्या वडगाव काशिंबेग, वाळुंजवाडी या दोन ग्रामपंचायती आहेत .अशा एकंदरीत १७ ग्रामपंचायतींची प्रभागरचना व आरक्षणाचा कार्यक्रमांतर्गत ८ फेेब्रुवारी रोजी तहसीलदारांच्या वतीने प्रत्येक गावाचे गुगल मॅप नकाशे अंतिम केले जाणार आहे. ११ फेब्रुवारीपर्यंत तलाठी व ग्रामसेवक स्थळ पाहणी करून प्रभागाच्या सीमा निश्चिती करणार आहे. १६ फेबु्रवारी प्रारूप प्रभाग रचनेच तहसिलदारांच्या वतीने मान्यता दिली जाणार आहे. १ एप्रिल जिल्हाधिका-यांनी मान्यता दिलेल्या प्रभाग रचनेला प्रसिध्दी दिली जाणार असल्याचे तहसीलदार रमा जोशी यांनी सांगितले.
आंबेगाव तालुक्यातील १७ ग्रामपंचायतींची निवडणूक
By लोकमत न्यूज नेटवर्क | Updated: February 5, 2021 05:03 IST