लोकमत न्यूज नेटवर्क
पुणे : शहरातील कोरोनाबाधित रुग्णांमध्ये शनिवारी दिवसभरात ३१७ रूग्णांची वाढ झाली. तर, दिवसभरात बरे झालेल्या २५४ रुग्णांना घरी सोडले आहे. विविध रुग्णालयातील ३८३ रुग्ण अत्यवस्थ असून, दिवसभरात एकूण ६ रुग्णांचा मृत्यू झाला आहे. तर, प्रत्यक्षात सक्रिय रुग्णसंख्या ५ हजार १५० झाली आहे.
उपचार घेत असलेल्या रुग्णांपैकी ३८३ जणांची प्रकृती चिंताजनक आहे. यातील २२८ रुग्ण व्हेंटिलेटरवर असून १५५ रुग्ण आयसीयूत उपचार घेत आहेत. तर, ८०३ रुग्ण आॅक्सिजनवर आहेत. दिवसभरात ६ मृतांची नोंद झाली आहे. कोरोनामुळे मृत्यू झालेल्यांची एकूण संख्या ४ हजार ५३६ झाली आहे. पुण्याबाहेरील ३ मृत्यूची नोंद करण्यात आली.
दिवसभरात एकूण २५४ रुग्ण आजारातून बरे झाल्याने घरी सोडले आहेत. आजारातून बरे झालेल्यांची एकूण संख्या १ लाख ६४ हजार ३३ झाली आहे. तर, एकूण रुग्णसंख्या १ लाख ७३ हजार ७१९ झाली आहे. सक्रिय रूग्णांची संख्या ५ हजार १५० झाली आहे.
-------------
दिवसभरात विविध केंद्रांवर एकूण ३ हजार ७७१ नागरिकांची स्वाब तपासणी करण्यात आली असून आतापर्यंत ८ लाख ६० हजार ३६६ रूग्णांची तपासणी करण्यात आली आहे.