वालचंदनगर : वालचंदनगर कंपनीच्या रुग्णालयाला उतरती कळा लागली आहे. या रुग्णालायामध्ये एकही तज्ज्ञ डॉक्टर नसल्याने येथील नागरिक व कामगारांची मोठ्याप्रमाणात गैरसोय झाली आहे. कंपनीच्या कामगारांच्या कुटुंबाचा विचार करून हे रुग्णालय उभारण्यात आलेले होते. मागील महिन्यापासून या रुग्णालयात एकही डॉक्टर उपलब्ध नाही. या दवाखान्यात कामगारांना व त्याच्या कुटुंबातील सदस्यांना मोफत सेवा मिळत होती. मात्र, डॉक्टरच उपलब्ध नसल्याने कामगारांना कुटुंबातील सदस्यांना खासगी दवाखान्यात घेऊन जाण्याची वेळ आली आहे. एकेकाळी दवाखान्यात दिवस-रात्र रुग्णांची गर्दी असलेल्या दवाखान्यात चिटपाखरूसुद्धा फिरकत नसल्याने कामगारांना फक्त पूर्वीच्या आठवणीशिवाय जवळ काहीच उरलेले नाही. त्वरित या दवाखान्यात एखाद्या डॉक्टरची नेमणूक करून कामगारांच्या कुटुंबाला व कामगारांना सेवा देण्यात यावी, अशी मागणी कामगारातून होत आहे.(वार्ताहर)
वालचंदनगर कंपनीच्या रुग्णालयाला मिळेना डॉक्टर
By admin | Updated: January 13, 2017 02:14 IST