शिरूर तालुक्यात १५ जानेवारी रोजी ७१ ग्रामपंचायतींसाठी मतदान झाले व १८ जानेवारी रोजी या ग्रामपंचायतीचा निकाल जाहीर झाला. काही दिवसांपूर्वी सरपंच पदाची आरक्षण काढण्यात आली होती. परंतु सरपंचपदाच्या निवडणुका कधी याबाबत सर्वत्र उत्सुकता निर्माण झाली होती. परंतु पुणे जिल्हाधिकारी यांनी आज १ फेब्रुवारी रोजी आदेश काढून पुणे जिल्ह्यातील व शिरूर तालुक्यातील सरपंचपदाच्या निवडणुका जाहीर केल्या आहे. यासाठी शिरूरच्या तहसीलदार यांच्या मार्गदर्शनाखाली अव्वल कारकून मंडळ अधिकारी व अधिकारी यांची सरपंच व उपसरपंचपदाच्या निवडणूक निर्णय अधिकारी म्हणून नेमणूक होणार आहे.
महाराष्ट्र ग्रामपंचायत अधिनियम 1958 चे कलम 30 व 33 नुसार सरपंच उपसरपंच पदाचे कामकाज करावे. तसेच महाराष्ट्र ग्रामपंचायत (सरपंच ,उपसरपंच) निवडणूक नियम 1964 मधील तरतुदीनुसार हे कामकाज चालविण्यात यावे, अशा सूचना आदेश पुणे जिल्हाधिकारी डॉक्टर राजेश देशमुख यांनी तहसीलदार व जिल्हा परिषद यांना दिले आहेत.
शिरूर तालुक्यातील ग्रामपंचायतनिहाय सरपंचपदाची निवडणूक दिनांक 9 फेब्रुवारी : निमगाव दुडे, रावडेवाडी, बाभुळसर बुद्रुक, विठ्ठलवाडी, दहिवडी, नागरगाव, न्हावरे, आंधळगाव, तळेगाव ढमढेरे, पिंपळसुटी, सविंदणे, कोळगाव डोळस, जातेगाव बुद्रुक, आमदाबाद, निर्वी, कुरूळी, गुनाट, मलठण, आलेगाव पागा, चिंचोली मोराची, कवठे यमाई, वडगाव रासाई ,गणेगाव दुमाला, वरुडे, इनामगाव, निमगाव भोगी, चांडोह, चिंचणी, वडनेर खुर्द, शिरसगाव काटा, सादलगाव, फाकटे, पिंपरखेड, उरळगाव, निमगाव म्हाळुंगी, शिंडोडी.
दिनांक 10 फेब्रुवारी :
खैरेनगर, धामारी, वढू बुद्रुक, कोंढापुरी, सणसवाडी, मोठेवाडी, वाघाळे, पाबळ, भांबर्डे, केंदुर, निमोने, हिवरे, शिक्रापूर, मुखई, करंदी, कारेगाव, खंडाळे, पारोडी, आपटी, पिंपळे जगताप ,कानुर मेसाई, टाकळी भिमा, पिंपरी दुमाला, मिडगुलवाडी, बाभुळसर खुर्द, गोलेगाव, गणेगाव खालसा, कोरेगाव भीमा, वाडा पुनर्वसन, पिंपळे खालसा, जातेगाव खुर्द, खैरेवाडी, बुरुंजवाडी, दरेकरवाडी, डिंग्रजवाडी.