प्रवासी बस चालू करण्यासाठी पीएमपीएलचे संचालक व नगरसेवक शंकर पवार यांनी अतिशय मोलाचे सहकार्य लाभले होते. माजी आदर्श सरपंच हनुमंत सुर्वे, माजी सरपंच अनिल अधवडे, माजी सरपंच रवींद्र सोडकर, माजी सरपंच प्रशांत जोरी, उपसरपंच हनुमंत जोरी, सरपंच शिल्पा पोकळे व परिसरातील जामगाव, माले, संभवे, वळणे, मुळशी, खुर्द व संपूर्ण मुळशी धरणभागातील ग्रामपंचायत यांच्या मागणीचा विचार करून ही बस सेवा चालू करण्यात आली. तिला एक वर्ष पूर्ण झाले आहे. या बसमुळे विद्यार्थी, कामगार, शेतकरी दूधउत्पादक, शिक्षक, आरोग्य कर्मचारी, महसूल कर्मचारी व इतर सर्व शासकीय कर्मचारी याचा येण्याजाण्याचा प्रश्न सुटला आहे. त्यामुळे कृतज्ञता म्हणून वर्षपूर्तीचा असे समजत या बससेवेचा वाढदिवस साजरा करण्यात आला.
यावेळी माजी आदर्श सरपंच हनुमंत सुर्वे, माजी सरपंच अनिल आधवडे, सामाजिक कार्यकर्ते निवृत्ती गायकवाड, शिवसेना समन्वयक दीपक करंजावणे, सतीश सुतार, बसचालक सुधीर घटबुडवे, वाहक सुनील इंगवले व प्रवासी मोठ्या प्रमाणात उपस्थित होते.
--
फोटो : ०६ पिरंगुट बस वाढदिवस
फोटो ओळ : मुळशीमध्ये बससेवेच्या वर्षपूर्ती वाहक व चालकासमवेत वाढदिवस साजरा करण्यात आला.