ब्रॅँड पुणे - नेऊ पुढे पुण्याच्या गौरवाचा वारसा, तुम्हीही सहभागी व्हा !

पुण्याचा गौरवशाली वारसा कल्पनांचे पंख लावून नवनिर्मितीसाठी भरारी घेत आहे. एक शहर म्हणून पुणे जगभरात आपली ओळख निर्माण करीत आहे.

पुणे : पुण्याचा गौरवशाली वारसा कल्पनांचे पंख लावून नवनिर्मितीसाठी भरारी घेत आहे. एक शहर म्हणून पुणे जगभरात आपली ओळख निर्माण करीत आहे. देदीप्यमान इतिहास, सामाजिक चळवळींनी घडविलेली नवी वाट, शिक्षणाच्या प्रकाशातून ‘आॅक्सफर्ड आॅफ दि ईस्ट’ ही मिळविलेली ओळख, व्यापार-उद्योगांतील कर्तृत्वातून झालेली प्रगती, साहित्य-कला-संस्कृतीच्या जपणूकीतून मिळालेले सांस्कृतिक राजधानीचे बिरुद ते आजचे शांत, सुरक्षित, प्रगतिशील, कॉस्मोपॉलिटन पुणे या सगळ्या प्रवासात सर्वांचाच हातभार लागला आहे. त्याचा सन्मान करण्यासाठी ‘ब्रॅँड पुणे’ ही मोहीम ‘लोकमत’च्या वतीने सुरू करण्यात येणार आहे.वडापाव, मिसळ, बाकरवाडीपासून फॉर्च्यून ५०० मध्ये स्थान मिळविलेल्या उद्योगांनी ‘ब्रॅँड पुणे’साठी आपले योगदान दिले आहे. येथील गणेशोत्सव, संगीतसभा, सांस्कृतिक महोत्सवांचा जागतिक पातळीवर पुणे ब्रॅँड तयार झाला आहे. नेमक्या शब्दांत खूप काही आशय सांगणारी ‘पुणेरी पाटी’ असो की साधी राहणी, उच्च विचारसरणीचा अंगीकार करणारी पुणेरी वृत्ती हेदेखील ‘ब्रॅँड पुणे’ आहेत. इतर शहरांत एकमेकांच्या पक्षकार्यालयांवर हल्ले होतात; पण पुण्यात आपल्या राजकीय विरोधकांचे वाढदिवसही जाहीरपणे साजरी करणारी राजकीय संस्कृती आहे. तोदेखील राजकारणाचा ‘पुणे ब्रॅँड’च. बॅडमिंटनसारखा या मातीतील खेळ जागतिक पातळीवर गेला, वेगवेगळ्या ध्येयांनी पळणाºया सामान्यांनी मॅरेथॉनचे नाव घेऊन क्रीडाक्षेत्रात पुणे ब्रॅँड ठसविला. राज्यभरातील ग्राहकांना आकर्षित करून येथील सराफ व्यावसायिकांनी ‘ज्वेल कॅपिटल आॅफ महाराष्टÑ’ म्हणून पुण्याची नवीन ओळख करून दिली आहे. लक्ष्मी रस्त्यापासून फग्युर्सन रोडपर्यंत वस्त्रप्रावणांची नवी संस्कृती निर्माण केली. बांधकाम व्यावसायिकांनी प्रगतीची शिखरे सर करीत संपूर्ण महाराष्टÑाला ‘रिअर इस्टेट’ दिली. आॅटोमोबाईल उद्योगाच्या प्रगतीने ‘डेट्रॉईट आफ इंडिया’ म्हणून पुणे पुढे येत आहे. पतपुरवठा हे एकमेव धोरण न ठेवता येथील बॅँका, पतसंस्थांनी ‘सोशल बॅँकिंग’ या शब्दाला नवा अर्थ दिला. सामाजिक संवेदनेतून आरोग्याकडे पाहत येथील रुग्णालयांनी नवा आदर्श निर्माण केला. शेकडो ‘इनोव्हेटीव्ह’ तरुणांनी आपल्या कल्पनांनी उद्योगांचा पाया रचला. ‘स्मार्ट’ पुण्याच्या उभारणीत प्रशासकीय पातळीवरील प्रयत्नांना उद्योजक, सामाजिक कार्यकर्त्यांचीही साथ मिळाली.तुम्हीही सहभागी व्हापुण्याच्या शिरपेचात यशाचे अनेक तुरे असताना कधी विनोदातून खिल्ली उडविली जाते. पुण्याची अवहेलना केली जाते. कोतेपणाचे आरोप होतात. वास्तविक गेल्या तीन दशकांच्या काळात सर्वाधिक वेगाने वाढणारे महानगर, म्हणून पुण्याने ओळख मिळविली. शासनदरबाराची नव्हे तर लोकमान्यतेची राजधानी असलेल्या याच शहराने देशामध्ये पहिल्या दहा शहरांमध्ये आवर्जून स्थान मिळविले.अर्थ, उद्योग, क्रीडा, संस्कृतीपासून प्रत्येक क्षेत्रामध्ये आपला ठसा उमटविणारे शहर म्हणून पुण्याची ओळख आहे. तीच आणखी गडद आणि बळकट करण्यासाठी ‘लोकमत’ने ही मोहीम सुरू केली आहे. पुण्याच्या विकासातील सगळ्याच शिलेदारांच्या कार्याचा दस्तऐवजच जगासमोर मांडण्याचा मानस आहे. त्यामध्ये आपणही सहभागी व्हा आणि ‘ब्रॅँड पुणे’चा डंका वाजवावा, हीच अपेक्षा.