स्वामिनाथ पवार यांनी उपसरपंच पदाचा राजीनामा दिल्याने हे पद रिक्त झाले होते. त्यानुसार सरपंच रंजीत हांडे यांच्या अध्यक्षतेखाली आयोजित केलेल्या विशेष बैठकीत उपसरपंच निवड प्रक्रिया शांततेत पार पडली.
उपसरपंच पदासाठी बाळूबाई आवटे यांचा एकमेव उमेदवारी अर्ज दाखल झाल्याने निवडणूक निर्णय अधिकारी सपना शिंदे यांनी आवटे यांची बिनविरोध निवड घोषित केली.
याप्रसंगी ग्रामपंचायत सदस्य स्वामिनाथ पवार, कैलास आवटे, अलकाबाई आवटे, सुरेखा आवटे, सपना क्षीरसागर आदींसह ग्रामस्थ उपस्थित होते.
दरम्यान, नवनिर्वाचित उपसरपंच बाळूबाई आवटे यांचा आमदार दिलीप मोहिते पाटील यांच्या हस्ते सत्कार करण्यात आला. याप्रसंगी खेड तालुका खरेदी-विक्री संघाचे संचालक संतोष आवटे, माजी सभापती अरुण चांभारे, सरपंच रंजीत हांडे, उद्योजक अवधूत आवटे उपस्थित होते.
०८ शेलपिंपळगाव
बाळूबाई आवटे यांचा सत्कार करताना आमदार दिलीप मोहिते-पाटील.