पिंपरी : कुख्यात गुंड व माथाडी कामगारनेता प्रकाश चव्हाण याच्या खूनप्रकरणी निगडी पोलिसांनी रविवारी श्याम चंद्रकांत जगताप (वय ३६, रा. मोरेवस्ती, चिखली) याला अटक केली. यामुळे याप्रकरणी अटक केलेल्यांची संख्या आठवर पोहोचली आहे. तर एका आरोपीचा घटनेदरम्यान झालेल्या अपघातात मृत्यू झाला.चिखली, पूर्णानगर येथे १० डिसेंबरला चव्हाण याची गोळ्या झाडून हत्या करण्यात आली. या घटनेत चव्हाणचे दोघे अंगरक्षक जखमी झाले. याप्रकरणी अद्यापपर्यंत दिलीप कांबळे, अनिल सपकाळ, सुनील सूर्यवंशी, अमोल शिंदे, अमर शेवाळे, गणेश राठोड, प्रकाशसिंह यांना अटक केली आहे. तसेच हल्यानंतर झालेल्या धावपळीत वाहनाच्या धडकेत जखमी होऊन मृत्यू झालेल्या संजय शिंदे हा या घटनेत सहभागी असल्याचे समोर आल्याची माहिती वरिष्ठ पोलीस निरिक्षक संजय नाईक पाटील यांनी दिली.
चव्हाण खूनप्रकरणी आणखी एक अटकेत
By admin | Updated: December 23, 2014 05:33 IST