मुंबई - मुंबईचे माजी पोलीस आयुक्त परमबीर सिंह (Parambir Singh) यांनी टाकलेल्या लेटरबॉम्बमुळे राज्यातील सत्ताधारी महाविकास आघाडी सरकारला मोठे हादरे बसले आहेत. (Sharad Pawar on Anil Deshmukh) परमबीर सिंह यांनी गृहमंत्री अनिल देशमुख यांच्याविरोधात केलेल्या गंभीर आरोपामुळे निर्माण झालेली परिस्थिती सावरण्यासाठी स्वत: शरद पवार यांना पुढाकार घ्यावा लागला आहे. शरद पवार यांनी आज दिल्लीत प्रसारमाध्यमांशी संवाद साधत परमबीर सिंह यांनी केलेल्या आरोपावर पक्षाची भूमिका मांडली. (Sharad Pawar on MVA Govt Future) मात्र शरद पवार यांनी याबाबत दिलेल्या प्रतिक्रियेवरून भाजपा नेते अतुल भातखळकर यांना खोचक टोला लगावला आहे. (Atul Bhatkhalkar Says, "Sharad Pawar's characteristic is not to say anything after saying a lot. Today's press conference was the same")
अतुल भातखळकर यांनी ट्विट करत शरद पवार यांनी आज पत्रकार परिषदेत केलेल्या विधानांचा समाचार घेतला. ते म्हणाले की, बरेच काही बोलून काहीही न सांगणे हे शरद पवारांचे वैशिष्ट्य आहे. आजची पत्रकार परिषदही तशीच होती. चौकशा कसल्या करताय, हकालपट्टी करा अनिल देशमुखांची, अशी मागणी यावेळी अतुल भातखळकर यांनी केली.
दरम्यान, आज दिल्लीत आयोजित केलेल्या पत्रकार परिषदेमध्ये शरद पवार यांनी परमबीर सिंह यांनी अनिल देशमुख यांच्यावर केलेल्या आरोपांवर प्रथमच भाष्य केले. ते म्हणाले की, देताना शरद पवार म्हणाले की, परमबीर सिंह यांनी गृहमंत्री अनिल देशमुखांवर पत्राच्या माध्यमातून केलेले आरोप गंभीर आहेत. मात्र याबाबत अनिल देशमुख यांचीही बाजू जाणून घेतली पाहिजे. त्यांच्या राजीनाम्याबाबत आम्ही सर्वांशी बोलून निर्णय घेऊ. याबाबतचा निर्णय हा उद्यापर्यंत होऊ शकेल. असे असले तरी याबाबतचा अंतिम निर्णय सर्वस्वी मुख्यमंत्री उद्धव ठाकरे हेच घेतील.
दरम्यान, परमबीर सिंह यांनी केलेल्या आरोपांबाबत परमबीर सिंह म्हणाले की, मुंबईचे माजी पोलीस आयुक्त परमबीर सिंह यांनी पत्र लिहून गृहमंत्री अनिल देशमुख यांच्यावर आरोप केलेले आहे. हे आरोप गंभीर स्वरूपाचे आहेत. परमबीर सिंह यांचे हे पत्र दोन भागात आहे. एका भागात अनिल देशमुख आणि दुसऱ्या भागात डेलकर प्रकरणाचा उल्लेख आहे. परमबीर सिंह यांनी लिहिलेले हे पत्र धक्कादायक आहे. बदली झाल्यानंतर त्यांनी हे पत्र लिहिले आहे. मात्र या पत्रावर परमबीर सिंह यांची सही नाही. तसेच पैसे कसे दिले घेतले गेले याचा उल्लेख नाही. तसेच पोलीस अधिकारी सचिन वाझे यांना सेवेत पुन्हा घेण्याचा निर्णय हा परमबीर सिंह यांचाच होता, असा दावाही शरद पवार यांनी केला. तसेच उत्तम अधिकाऱ्याकडून या प्रकणाची चौकशी करण्यात यावी, अशी मागणी पवार यांनी केली.