दिल्ली – राज्यसभा अर्थसंकल्पीय अधिवेशनात चर्चेवेळी खासदार सुशील मोदी यांनी पंतप्रधान नरेंद्र मोदी यांच्या नावाचा अर्थ सांगितला. बिहारचे माजी उपमुख्यमंत्री आणि राज्यसभेचे खासदार सुशील मोदी संसदेत भाषण करताना विरोधकांना टोला लगावला.
नरेंद्र मोदी नावाचा पूर्ण अर्थ सुशील मोदींनी सांगितला(BJP MP Explained full form of Narendra Modi Name)
N- New India
A- Aatm Nirbhar Bharat
R- Ready for reforms
E- Electronic Agri market
N- New Financial Structure
D- Disinvestment
R- Railway and roads
A- Agriculture Reforms
M- MSP assured, Helping migrant worker
O - One person company
D- Down to earth
I- Inclusive development
सुशील मोदी यांनी भाषणात नरेंद्र मोदींचं खूप कौतुक केले. सुशील मोदी म्हणाले की, अर्थव्यवस्थेच्या नुकसानीतून देश पुन्हा सावरू शकतो, परंतु आयुष्य गेलं तर पुन्हा परत आणू शकत नाही असं पंतप्रधानांनी सांगितले. महाभारताच्या शांतिपर्वात म्हटलंय की, ‘आपदाग्रस्त जीव प्राण रक्षा ही धर्म है’ केंद्र सरकार याच गोष्टीचं पालन करते, कोरोना संकटकाळात अनेक लोकांची मदत केली गेली असं ते म्हणाले.
तसेच केंद्राने मांडलेल्या अर्थसंकल्पाचं शेअर मार्केटनेही स्वागत केले, सर्वाधिक ५१ हजारपर्यंत सेन्सेक्स वधारलं होतं, २३ वर्षानंतरही असं झालं, १९९७ मध्ये तत्कालीन अर्थमंत्री पी. चिंदबरम यांच्या भाषणानंतर सेन्सेक्सने शिखर गाठलं होतं, त्याचसोबत मागील २५-३० वर्ष बजेट पाहतोय, यंदाच्या अर्थसंकल्पावर कोणीही टीका केली नाही. देशाने स्वागत केले. लॉकडाऊन काळात मोदी सरकारने ८० कोटी गरिबांना ४० किलो धान्य आणि ८ किलो डाळ दर महिन्याला दिली. २० कोटी महिलांचे जनधन खाते उघडण्यात आले. ७ कोटींहून अधिक महिलांना उज्ज्वला कनेक्शनअंतर्गत गॅस सिलेंडर दिला असंही सुनील मोदींनी सांगितले.
अमेरिकेपेक्षा भारताचं काम चांगले
अमेरिकेत योजनांचा थेट फायदा होत नव्हता, ८ कोटी लोकांचे चेक प्रिंट केले, त्यानंतर ट्रम्प यांनी सही केली आणि पुढील ४ महिनेही त्या चेकचं वाटप करता आलं नाही. तर दुसरीकडे भारतातील लोकांना लाभ थेट त्यांच्या जनधन खात्यात वेळोवेळी मिळत होता. त्याशिवाय लॉकडाऊन काळात मोदी सरकारने केलेल्या कामाचं कौतुक सुशील मोदींनी राज्यसभेत केले.