पिंपरीतील वायसीएम रुग्णालयामध्ये परिचारिकांचे दोन तास काम बंद लक्षवेधी आंदोलन 

राज्य सरकार व प्रशासन आमच्या अनेक वर्षांपासून प्रलंबित मागण्यांकडे पूर्णपणे दुर्लक्ष करत आहे.

ठळक मुद्देमहाराष्ट्र गव्हर्नमेंट नर्सेस् फेडरेशन तर्फे राज्यव्यापी दोन तास काम बंद आंदोलन

भोसरी: महाराष्ट्र गव्हर्नमेंट नर्सेस फेडरेशन तर्फे बुधवारी (दि.२६) 'राज्यव्यापी दोन तास कामबंद लक्षवेधी आंदोलन' पुकारण्यात आले. या लक्षवेधी आंदोलनामध्ये पिंपरी चिंचवड महापालिका नर्सेस फेडरेशनने सहभागी झाले होते. राज्य सरकार व प्रशासनाने परिचारिकांच्या प्रलंबित मागण्या लवकरात लवकर पूर्ण कराव्यात यासाठी राज्यभर हे आंदोलन करण्यात आले.       कोरोना काळात स्वतःसह कुटुंबाचा जीव धोक्यात  दिवसरात्र काम करत आहोत. मात्र राज्य सरकार व प्रशासन आमच्या अनेक वर्षांपासून प्रलंबित मागण्या पूर्ण करण्याकडे दुर्लक्ष करत आहे. मागण्यांकरिता वारंवार निवेदने देऊन चर्चेसाठी वेळ मागितला, परंतु शासनाने व प्रशासनाकडून याबाबत कोणताही सकारात्मक निर्णय आलेला नाही. त्यामुळे प्रलंबित मागण्यांकडे शासनाचे व प्रशासनाचे लक्ष वेधण्याकरिता महाराष्ट्र गव्हर्नमेंट नर्सेस् फेडरेशन तर्फे राज्यव्यापी दोन तास काम बंद आंदोलन करण्यात आले आहे.