पिंपरी : बेकायदेशीररीत्या पिस्तूल बाळगणाऱ्या दोन सराइतांना हिंजवडी पोलिसांनी अटक केली आहे़ विठ्ठल महादेव शेलार (वय २७, रा़ बोतरवाडी, ता़ मुळशी) आणि प्रकाश उर्फ पप्पू अरुण गायकवाड (वय ३०, रा़ बहुली, ता़ हवेली) अशी अटक केलेल्या आरोपींची नावे आहेत़ ही कारवाई सोमवारी माण गावातील ग्रामपंचायत कार्यालयाजवळ करण्यात आली़पोलिसांनी दिलेल्या माहितीनुसार, सोमवारी सकाळी खबऱ्याने माण गावात दोन सराईत पिस्टल घेऊन येणार असल्याची माहिती पोलिसांना दिली़ त्यानुसार हिंजवडी पोलिसांनी सापळा रचला़ काही वेळाने माण गावात आलेल्या दोघांना पोलिसांनी ताब्यात घेतले़ त्यांची अंगझडती घेतली असता, आरोपी शेलार आणि गायकवाड यांच्याकडे दोन गावठी पिस्टल, पाच जिंवत काडतुसे, एक रॅम्बो सुरा आढळून आला़ बेकायदेशीररीत्या शस्त्रे बाळगल्याप्रकरणी दोघांवर गुन्हा दाखल करण्यात आला आहे़ या कारवाईत सचिन उगले, विवेक गायकवाड, अमोल धस, आनंद खोमणे, आशिष बोटके, अतिक शेख, जितेंद्र शिखरे, अजय फ ल्ले यांनी सहभाग घेतला़ (प्रतिनिधी)
पिस्तूल बाळगणाऱ्या दोघांना अटक
By admin | Updated: October 12, 2016 02:03 IST