हृता दुर्गुळेची होणारी सासूदेखील आहे लोकप्रिय अभिनेत्री; मराठीसह हिंदी मालिकांमध्येही केलंय काम

Hruta durgule: सध्या सोशल मीडियावर हृताच्या होणाऱ्या सासूबाईंची चर्चा रंगली आहे.

'फुलपाखरू' या मालिकेच्या माध्यमातून घराघरात पोहोचलेली अभिनेत्री म्हणजे हृता दुर्गुळे. सध्या हृता झी मराठीवरील 'मन उडू उडू झालं' या मालिकेत मुख्य भूमिका साकारत आहे.

उत्तम अभिनयशैली आणि सौंदर्याच्या जोरावर हृताने तिचा स्वतंत्र चाहतावर्ग निर्माण केला आहे. त्यामुळे तिच्याविषयी प्रत्येक गोष्ट जाणून घेण्यासाठी चाहते आतुर असतात.

काही दिवसांपूर्वीच हृताने तिच्या प्रियकरासोबत एक फोटो शेअर करत प्रेमाची कबुली दिली. तेव्हापासून सोशल मीडियावर तिच्या नावाची चर्चा आहे.

हृता प्रसिद्ध हिंदी दिग्दर्शक प्रतिक शाहला डेट करत आहे. प्रतिक उत्तम दिग्दर्शक असण्यासोबतच उत्कृष्ट डान्सरदेखील आहे.

विशेष म्हणजे प्रतिकची आईदेखील कलाविश्वाशी निगडीत आहे.

फार मोजक्या जणांना प्रतिकच्या कुटुंबाविषयी ठावूक आहे. यात प्रतिकची आईदेखील लोकप्रिय अभिनेत्री असून त्यांनी अनेक गाजलेल्या हिंदी, मराठी मालिकांमध्ये काम केलं आहे.

त्यामुळे सध्या सोशल मीडियावर हृताच्या होणाऱ्या सासूबाईंची चर्चा रंगली आहे.

प्रसिद्ध अभिनेत्री मुग्धा शाह, प्रतिकची आई असून त्यांनी अनेक मालिका, चित्रपटांमध्ये काम केलं आहे.

मुग्धा शाह यांनी बे दुणे साडे चार, मिस मॅच, कर्तव्य, माहेर माझं हे पंढरपूर, पुछो मेरे दिल से, संभव असंभव अशा असंख्य मालिका, चित्रपटांमध्ये काम केलं आहे.

सध्या सोशल मीडियावर प्रतिक आणि हृताप्रमाणेच मुग्धा शाह यांची चर्चा रंगली आहे.

हृताचा बॉयफ्रेंड प्रतिकने बेहद २, बहू बेगम, कुछ रंग प्यार के ऐसे भी, तेरी मेरी एक जिंदड़ी, इक दिवाना था, मनमोहिनी या गाजलेल्या मालिकांसाठी काम केले आहे.