Nothing Phone 3a and Pro news: नेहमीच्या स्मार्टफोनना कंटाळलात? वेगळे काहीतरी हवेय? युआय, कॅमेरा सेटअप आणि ट्रान्स्परंट नथिंग ; फोन ३ए, ३ए प्रो कसे वाटले?

1 / 11

नथिंगच्या तिसऱ्या पिढीच्या स्मार्टफोनची बाजारात एन्ट्री झाली आहे. पारदर्शक बॅक पॅनेल आणि वेगळी युआय यामुळे हे फोन काही वर्षांतच आपली वेगळी ओळख निर्माण करू शकले आहेत. नथिंगने नुकताच 3A आणि 3A Pro लाँच केला. या दोन्ही स्मार्टफोनवर आम्ही काम केले आहे. कॅमेरा, प्रोसेसर, फिचर्स आदी कसे आहेत, खरोखरच हे फोन तोडीचे आहेत का, आम्हाला हे दोन्ही फोन कसे वाटले, चला पाहुया...

2 / 11

सर्वप्रथम फोनमधील नथिंगची युआय तु्म्हाला पारंपरिक अँड्रॉईड फोनच्या युआयचा कंटाळा आला असेल तर तो घालवणारी आहे. नथिंगने नेहमीच्या वापरासाठी 3A बनविला आहे, तर कॅमेरा सेंट्रीक लोकांसाठी 3A Pro आणला आहे. मिड रेंज सेगमेंटमध्ये असल्याने सॅमसंगच्या अल्ट्रा रेंजशी कंपेरिझन करू शकत नसलो तरी ६०एक्स झूम बऱ्यापैकी चांगला आहे.

3 / 11

दोन्ही फोनची कॅमेरा सेटअप खूप बाहेर काढलेला आहे. यामुळे काहींना त्रास होऊ शकतो, परंतू अनेकांना नवीन सेटअप आवडू देखील शकतो. बॅक कव्हर ट्रान्सपरन्ट आहे. कॅमेराच्या बाजुला दिलेली ग्लिम्प लाईट आकर्षक वाटते. दोन्ही फोनमध्ये प्रायमरी कॅमेरा कॉमन ५० मेगापिक्सल आहे, जो चांगले फोटो क्लिक करतो.

4 / 11

Phone 3A Pro हा थोडा वजनाने जास्त आहे. यामध्ये पेरिस्कोप Sony LYTIA 600 sensor कॅमेरा दिलेला आहे, ज्यात क्लोजअप फोटो चांगल्या दर्जाचे येतात. कलरही नॅचरल जाणवतात. याचे काही सॅम्पल आम्ही तुम्हाला दाखविणार आहोत.

5 / 11

दोन्ही फोनमध्ये ६.७ इंचाचा अमोल्ड डिस्प्ले देण्यात आलेला आहे. रिफ्रेश रेट १२० हर्ट्झ असल्याने व ब्राईटनेसही चांगला असल्याने उन्हात तसेच व्हिडीओ पाहताना लॅग जाणवत नाही.

6 / 11

नथिंगच्या या दोन्ही फोनमध्ये Snapdragon 7s Gen 3 प्रोसेसर देण्यात आला आहे. हा फ्लॅगशिप प्रोसेसर नसला तरी विविध अॅप वापरताना कुठेही लॅग जाणवत नाही. एका अॅपवरून दुसऱ्या अॅपवर जाणे एकदम फास्ट होते. तसेच कॅमेरा वापरताना किंवा फोन बराच वेळ वापरताना हिट होत नाही. म्हणजेच कंपनीने पुरेसा ताकदवान प्रोसेसर दिला आहे.

7 / 11

नथिंग फोन थ्री ए आणि थ्री ए प्रोमध्ये ५००० एमएएच बॅटरी दिली आहे. ही बॅटरी ५० वॉट चार्जरला सपोर्ट करते. मुख्यत: हा चार्जर तुम्हाला बॉक्ससोबत येत नाही. तुम्हाला वेगळा खरेदी करावा लागतो. ही बॅटरी मध्यम वापराला दीड दिवस पुरते. जास्त वापर असेल तर तुम्हाला ती एक दिवस पुरेशी ठरते. फोटोग्राफीसाठी कॅमेरा, व्हॉट्सअप आणि कॉल यासाठी आम्ही ही वापरली, आम्हाला ती एका दिवसापेक्षा जास्त गेली.

8 / 11

आधी म्हटल्याप्रमाणे तु्म्ही इतर कंपन्यांच्या युआयला कंटाळला असाल तर रिफ्रेश करण्यासाठी या फोनचे युआय चांगले आहे. कुठेही लॅग नाही, वेगळी मांडणी आहे. सर्वात महत्वाचे म्हणजे वैताग आणणाऱ्या कुठल्याही अॅड नाहीत किंवा ब्लोटवेअर नाही, हे एक नथिंगने चांगले केले आहे. पारंपरिक रिंगटोनपेक्षा वेगळी रिंगटोन, मेसेज टोन यात देण्यात आल्या आहेत.

9 / 11

Phone 3A Pro चा सेल्फी कॅमेरा हा ५० मेगापिक्सलचा आहे, जो अत्यंत क्लिअर फोटो कॅप्चर करतो. ज्या लोकांना सेल्फी आणि पोर्ट्रेट मोडवर फोटो काढायची आवड आहे, त्यांच्यासाठी हा फोन चांगला आहे. तर Phone 3A मध्ये ३२ मेगापिक्सलचा कॅमेरा आहे. जो चांगले सेल्फी घेतो. अल्ट्रावाईड कॅमेरा देखील चांगले डिटेल देतो. पेरिस्कोपिक लेन्स असल्याने ज्यांना फोटोग्राफीची आवड आहे त्यांना प्रो चांगला आहे.

10 / 11

आज पैशांचे व्यवहार हे स्मार्टफोनवरूनच केले जातात. यामुळे तुमची आर्थिक सुरक्षेबरोबरच डेटाची सुरक्षा खूप महत्वाची आहे. नथिंगने तीन वर्षे अँड्रॉईड अपडेट्स आणि सहा वर्षांचे सिक्युरिटी अपडेट देण्याचा दावा केला आहे.

11 / 11

कंपनीने एक नवीन Essential Space नावाचे फिचर या फोनमध्ये दिले आहे. यासाठी एक वेगळे बटन देण्यात आले आहे. याद्वारे तुम्ही व्हॉइस नोट्स आणि स्क्रीनशॉट सारखी एआय टूल वापरू शकणार आहात.