२० तासांचा रहस्यमय प्रवास! चीनला पोहचण्यासाठी किम जोंग यांची सीक्रेट तयारी; शत्रूंना देणार चकवा

1 / 10

उत्तर कोरियाचा हुकूमशाह किम जोंग-उन जागतिक राजकारणात पाऊल ठेवण्याच्या तयारीत आहेत. किम जोंग या आठवड्यात चीनमधील बहुपक्षीय राजनैतिक व्यासपीठावर पहिले पाऊल टाकणार आहेत.

2 / 10

बीजिंगमधील लष्करी परेडमध्ये सहभागी होण्यासोबतच त्यांचा दौरा रशियाचे राष्ट्रपती व्लादिमीर पुतिन आणि चीनचे राष्ट्राध्यक्ष शी जिनपिंग यांच्यासोबत संभाव्य त्रिपक्षीय शिखर परिषदेसाठी तयारी करत आहेत.

3 / 10

२०११ च्या अखेरीस सत्ता हाती घेतलेले किम पहिल्यांदाच बहुपक्षीय राजनैतिक कार्यक्रमात सहभागी होणार आहेत. त्यांचे आजोबा आणि उत्तर कोरियाचे संस्थापक किम इल-सुंग यांनी १९५९ मध्ये बीजिंगमध्ये झालेल्या लष्करी परेडमध्ये भाग घेतला होता.

4 / 10

दुसऱ्या महायुद्धाच्या ८० व्या वर्धापन दिनानिमित्त चीनमध्ये होणाऱ्या लष्करी परेडला पुतिन आणि शी यांच्यासोबत उपस्थित राहण्याचा किम यांनी निर्णय घेतला. कारण त्यावेळी दक्षिण कोरियाचे अध्यक्ष ली जे-म्युंग आणि अमेरिकेचे राष्ट्रपती डोनाल्ड ट्रम्प यांनी वॉशिंग्टनमधील उच्चस्तरीय शिखर परिषदेत उत्तर कोरियासोबत राजनैतिक संबंध पुन्हा सुरू करण्याची उत्सुकता व्यक्त केल्यानंतर काही दिवसांनी जाहीर करण्यात आला.

5 / 10

या आठवड्यात बीजिंगमध्ये पुतिन आणि शी जिनपिंग यांच्यासोबत किम यांचे लष्करी परेडमध्ये सहभागी होणे हे उत्तर कोरियाच्या नेत्याला दक्षिण कोरिया किंवा अमेरिकेसोबत राजनैतिक संबंधांमध्ये रस नसल्याचे स्पष्ट संकेत आहे.

6 / 10

योनहाप वृत्तसंस्थेच्या मते, किम आणि पुतिन यांनी लष्करी संबंध अधिक दृढ केले आहेत. युक्रेनविरुद्धच्या मॉस्कोच्या युद्धाला मदत करण्यासाठी प्योंगयांगने सैन्य आणि शस्त्रे पाठवली आहेत. किम यांनी गेल्या वर्षी २८ ऑगस्ट रोजी लष्करी तैनातीचा निर्णय अंतिम केला होता. रशियन माध्यमांनुसार, किम, पुतिन आणि शी ३ सप्टेंबर रोजी बीजिंगच्या तियानमेन स्क्वेअर येथे होणाऱ्या लष्करी परेडमध्ये सहभागी होतील. या परेडमध्ये किम जोंग डाव्या बाजूला बसतील तर पुतिन जिनपिंग यांच्या उजवीकडे बसतील.

7 / 10

जर किम जोंग विशेष ट्रेनने चीनला गेले तर त्याला सुमारे २० तास लागतील. किम 'शम्मा-१' ऐवजी त्यांच्या फॉरेस्ट ग्रीन ट्रेनचा वापर करण्याची शक्यता जास्त आहे. हे ते खासगी विमान आहे जे किम त्यांच्या कारकिर्दीच्या सुरुवातीच्या काळात लांब पल्ल्याच्या देशांतर्गत प्रवासासाठी वापरत होते.

8 / 10

बीजिंगशी ताणलेले संबंध सुधारण्याच्या प्रयत्नांचा एक भाग म्हणून उत्तर किम यांच्या चीन दौऱ्याकडे पाहिले जाते. गेल्या वर्षीपासून उत्तर कोरिया-रशिया संबंध वेगाने सुधारले आहेत. युक्रेनविरुद्धच्या युद्धात रशियाला पाठिंबा देण्यासाठी त्यांनी सैन्य पाठवले आहे.

9 / 10

किम जोंग चीनला त्यांच्या वैयक्तिक बख्तरबंद ट्रेनने जातील, कारण सुरक्षेच्या कारणास्तव ते उड्डाण करणे टाळतात असं बोलले जाते. हल्ल्याच्या भीतीमुळे ते विमानाने प्रवास करत नाहीत. ही ट्रेन उत्तर कोरियाच्या प्योंगयांगहून बीजिंगपर्यंत जाते, ज्यात सुमारे २०-३० डबे असतात.

10 / 10

ट्रेनची गती सुमारे ६० किमी/तास असते आणि मार्ग पूर्णपणे सुरक्षित केला जाईल. ट्रेनच्या आधी आणि मागे सुरक्षित ट्रेन धावतील. उत्तर कोरियन आणि चिनी सैन्य या मार्गावर गस्त घालतील. किमच्या सुरक्षेसाठी उत्तर कोरियाची गुप्तचर यंत्रणा आणि चिनी अधिकारी एकत्र काम करत आहेत.