बहुतांश लोकांना माहीत नाही की या लोनमध्ये संपूर्ण रकमेवर नाही; खर्च केलेल्या रकमेवरच लागतं व्याज, प्रीपेमेंटवर पेनल्टीही नाही

1 / 6

जेव्हा तुम्ही बँकेकडून कर्ज घेता तेव्हा संपूर्ण कर्जाच्या रकमेवर व्याज आकारलं जातं. पण एक कर्ज असंही आहे ज्यामध्ये तुमच्यासाठी कितीही रक्कम मंजूर झाली तरी, तुम्ही खर्च केलेल्या रकमेवरच व्याज आकारलं जातं. इतकंच नाही तर, हे कर्ज अनेक प्रकारे वैयक्तिक कर्जापेक्षा चांगलं आहे कारण त्यात प्रोसेसिंग फी आणि प्रीपेमेंट पेनल्टीचा त्रास नाही. बहुतेक लोकांना बँकेकडून मिळणाऱ्या या कर्जाबद्दल माहिती नाही. त्याबद्दल जाणून घेण्याचा प्रयत्न करू.

2 / 6

आम्ही तुम्हाला सॅलरी ओव्हरड्राफ्ट सुविधेबद्दल सांगत आहोत. ओव्हरड्राफ्ट हे एक प्रकारचं कर्ज आहे, जे तुम्हाला सॅलरी अकाऊंटवर देखील मिळू शकतं. या अंतर्गत, तुम्ही गरजेच्या वेळी तुमच्या सॅलरी अकाऊंटमधून जास्त पैसे काढू शकता. तुमच्या खात्यात शिल्लक नसली तरीही तुम्ही खात्यातून पैसे काढू शकता.

3 / 6

ओव्हरड्राफ्ट सुविधेसाठी, तुम्हाला तुमची एफडी, शेअर्स, घर, पगार, विमा पॉलिसी, बाँड इत्यादी गहाण ठेवावं लागतं. जर तुम्ही रक्कम परत करू शकत नसाल, तर तुमच्या गहाण ठेवलेल्या वस्तूद्वारे त्याची भरपाई केली जाते. परंतु जर ओव्हरड्राफ्ट केलेली रक्कम तुम्ही गहाण ठेवलेल्या वस्तूपेक्षा जास्त असेल, तर गहाण ठेवलेल्या वस्तूद्वारे भरपाई केल्यानंतर, तुम्हाला उर्वरित रक्कम भरावी लागेल.

4 / 6

तुम्हाला पगारावर ओव्हरड्राफ्टची सुविधा देखील मिळते. याला सॅलरी ओव्हरड्राफ्ट म्हणतात. या सुविधेअंतर्गत, तुम्ही तुमच्या पगाराच्या सुमारे दोन ते तीन पट रक्कम बँकेकडून कर्ज म्हणून घेऊ शकता. दरम्यान, सॅलरी ओव्हरड्राफ्टबाबत प्रत्येक बँकेचे स्वतःचे नियम आहेत. काही बँका मासिक पगाराच्या फक्त ८० ते ९० टक्के रक्कम कर्ज म्हणून देतात. कर्जाची मर्यादा ग्राहकाच्या क्रेडिट हिस्ट्रीवर अवलंबून असतं.

5 / 6

इतर कर्ज फेडण्यासाठी, तुम्हाला दरमहा ईएमआय भरावा लागतो. परंतु यामध्ये, दरमहा ईएमआय भरण्याचा कोणताही त्रास नाही. तुम्ही निश्चित कालावधीत कधीही कर्जाची रक्कम परत करू शकता. तथापि, तुम्हाला दरमहा व्याज भरावं लागेल.

6 / 6

जर तुम्ही पर्सनल लोन घेतलं तर संपूर्ण कर्जाच्या रकमेवर व्याज आकारलं जातं. परंतु ओव्हरड्राफ्ट म्हणून, बँकेनं मंजूर केलेल्या संपूर्ण रकमेवर व्याज आकारलं जात नाही. तुम्ही तुमच्या खात्यातून खर्चासाठी काढलेल्या रकमेवरच व्याज आकारलं जातं. याचा अर्थ जर तुम्हाला ओव्हरड्राफ्ट म्हणून १ लाख रुपये मिळाले, परंतु तुम्ही त्यातून फक्त ५०,००० रुपये खर्च केले तर फक्त ५०,००० रुपयांवरच व्याज आकारलं जाईल.