सिंगल चार्जवर ३२० KM रेंज...किंमत फक्त ₹१.२९ लाख! Ola ची नवीन EV स्कूटर लॉन्च

1 / 5

देशातील आघाडीची इलेक्ट्रिक टू-व्हिलर उत्पादक Ola Electric ने आपली नवीन इलेक्ट्रिक स्कूटर S1 X+ अधिकृतपणे भारतीय बाजारात विक्रीसाठी लॉन्च केली आहे. लांब रेंज आणि परवडणारी किंमत या दोन महत्त्वाच्या बाबींवर लक्ष केंद्रित करत कंपनीने ही स्कूटर सादर केली आहे. या स्कूटरची सुरुवातीची (एक्स-शोरूम) किंमत ₹१,२९,९९९ ठेवण्यात आली असून, ही इंट्रोडक्टरी ऑफर १५ एप्रिलपर्यंत लागू असणार आहे.लांब रेंज आणि दमदार परफॉर्मन्स

2 / 5

नवीन S1 X+ स्कूटरमध्ये ५.२ kWh बॅटरी पॅक, ११ kW मिड-ड्राईव्ह मोटर आणि ३२० किमी (IDC) रेंज (एकाच चार्जमध्ये) मिळते. कंपनीच्या मते, ही रेंज चांगल्या परिस्थितीत मिळणारी असून, प्रत्यक्ष वापरात रस्ता, वजन आणि ड्रायव्हिंग पद्धतीनुसार बदलू शकते. तसेच, ही स्कूटर १२५ किमी/तास टॉप स्पीड गाठण्यास सक्षम आहे.

3 / 5

या स्कूटरचे प्रमुख वैशिष्ट्य म्हणजे याची ४६८० भारत सेल बॅटरी (इन-हाउस विकसित). ओला इलेक्ट्रिकच्या मते, भारतातच तयार केलेल्या या बॅटरीमुळे उत्पादन खर्च कमी होतो, नवीन तंत्रज्ञान जलद लागू करता येते आणि मोठ्या प्रमाणावर उत्पादन शक्य होते.

4 / 5

सेफ्टी आणि कंट्रोल फीचर्सबद्दल बोलायचे झाल्यास, यात ब्रेक-बाय-वायर सिस्टम आणि फ्रंट डिस्क ब्रेक मिळतो, ज्यामुळे स्कूटरचे ब्रेकिंग आणि कंट्रोल अधिक सुरक्षित आणि प्रभावी बनते.

5 / 5

S1 X+ च्या लॉन्चद्वारे ओलाने स्पष्ट केले की, आता लांब रेंज स्कूटर्स फक्त प्रीमियम सेगमेंटपुरते मर्यादित राहणार नाहीत. सर्वसामान्य ग्राहकांनाही परवडणाऱ्या किमतीत या उपलब्ध असतील. कंपनीकडे सध्या प्रीमियम सेगमेंटमध्ये S1 Pro+ आणि S1 Pro, तर किफायतशीर पर्यायांसाठी S1 X सीरीज उपलब्ध आहे. याशिवाय, कंपनी Roadster बाईक रेंजवरही काम करत आहे.