गंगाखेड: नांदेड येथून परळीकडे जाणाऱ्या एका जीपची भरधाव वेगातील दुसऱ्या जीपसोबत जोरदार धडक होऊन सहा प्रवासी जखमी झाल्याची घटना सोमवारी मध्यरात्री पडेगाव पाटीजवळ घडली. जखमींवर अंबाजोगाई येथील शासकीय रुग्णालयात उपचार सुरु आहेत.
याबाबत अधिक माहिती अशी की, सोमवारी परळी येथील शेख रियाज शेख अजगर अली, शेख अल्ताफ शेख एजाज, शेख अबरार शेख शेख इफ्तेखार, शेख शोएब शेख मुमताज, शेख मुजीब शेख अनिस, चालक सय्यद उमर सय्यद खदीर हे सर्व नांदेड येथे एका कार्यक्रमासाठी गेले होते. कार्यक्रम संपवून रात्री सर्वजण जीपने ( एम एच ४४ के ९४४४ ) परळीकडे निघाले. दरम्यान, परळी रस्त्यावरील पडेगाव पाटीजवळ मध्यरात्री १२.३० वाजेच्या सुमारास समोरून येणाऱ्या भरधाव जीपने ( एम एच २२ यु ६०५५) त्यांच्या गाडीस धडक दिली. शेख रियाज शेख अजगर अली, शेख अल्ताफ शेख एजाज, शेख अबरार शेख शेख इफ्तेखार, शेख शोएब शेख मुमताज, शेख मुजीब शेख अनिस, चालक सय्यद उमर सय्यद खदीर आदी सहा जण जखमी झाले.
यातील शेख अबरार शेख शेख इफ्तेखार यांची प्रकृती चिंताजनक असल्याने त्यांना लातूर येथील शासकीय रुग्णालयात अधिक उपचारासाठी हलविण्यात आले. तर उर्वरित जखमींवर अंबाजोगाई येथील शासकीय रुग्णालयात उपचार सुरू आहेत. याप्रकरणी मोहंमद यासीन शेख अ. रशीद रा. मलिकपुरा परळी यांनी दिलेल्या फिर्यादीवरून एम एच २२ यु ६०५५ या वाहनाच्या चालकाविरुद्ध गुन्हा दाखल करण्यात आला आहे. याचा पुढील तपास जमादार त्र्यंबकराव तानाजी शिंदे हे करीत आहेत.