परभणी : आखाड्याला आग लागून लाखोंचे नुकसान

शेत आखाड्याला आग लागून जीवनावश्यक वस्तूंसह ५ मेंढ्या व रोख दीड लाख रुपये जळून खाक झाल्याची घटना सोनपेठ तालुक्यातील बोंदरगाव येथे १९ मे रोजी सकाळी ११ वाजेच्या सुमारास घडली़

लोकमत न्यूज नेटवर्कसोनपेठ (परभणी): शेत आखाड्याला आग लागून जीवनावश्यक वस्तूंसह ५ मेंढ्या व रोख दीड लाख रुपये जळून खाक झाल्याची घटना सोनपेठ तालुक्यातील बोंदरगाव येथे १९ मे रोजी सकाळी ११ वाजेच्या सुमारास घडली़तालुक्यातील बोंदरगाव येथील दत्ता देविदास सातपुते यांचा बोंदरगाव शिवारात शेत आखाडा आहे़ या आखाड्यावर शेती उपयोगी साहित्यासह मेंढीचे पाच पिले ठेवण्यात आली होती़ १९ मे रोजी सकाळी ११ वाजेच्या सुमारास या आखाड्यास अचानक आग लागली़ या आगीत ५ पोते ज्वारी, ३ फवारे, ५ मेंढीचे पिले, एक मोटार सायकल व दीड लाख रुपये रोख रक्कम जळून खाक झाल्याची घटना घडली़ या घटनेन दत्ता सातपुते यांचे कुटूंब उघड्यावर आले आहे़ त्यामुळे तालुका प्रशासनाने या घटनेचा पंचनामा करून मदत देण्यात यावी, अशी मागणी होत आहे़