लोकमत न्यूज नेटवर्कमाथला (परभणी): जिंतूर तालुक्यातील माथला येथे विद्युत तारांचे घर्षण होऊन लागलेल्या आगीत गाव परिसरातील गवत, कडबा जळून खाक झाल्याची घटना ६ मे रोजी दुपारी १ वाजेच्या सुमारास घडली.जिंतूर तालुक्यातील माथला येथे वीज वितरण कंपनीकडून उभारण्यात आलेल्या विद्युत तारा लोंबकाळतल्या आहेत. याबाबत ग्रामस्थांनी वारंवार महावितरण कंपनीकडे या दुरुस्त कराव्यात, यासाठी मागणी केली; परंतु, याकडे दुर्लक्ष करण्यात आले. ६ मे रोजी दुपारी लोंबकळणाऱ्या विद्युत तारांचे घर्षण होऊन आग लागली. या आगीमध्ये गाव परिसरातील गवत, कडबा व शेती उपयोगी साहित्य जळून खाक झाले. पाहता पाहता ही आग वाढत गेल्याने अग्नीशमन दल व ग्रामस्थांनी तीन तासांच्या प्रयत्नानंतर ही आग आटोक्यात आली.
परभणी : वीज तारांच्या घर्षणामुळे आग
By लोकमत न्यूज नेटवर्क | Updated: May 7, 2019 00:54 IST