शहरं
Join us  
Trending Stories
1
Vaibhav Suryavanshi : १४ वर्षांच्या पोराचा धुमाकूळ! सिक्सर मारत ठोकली IPL मधील विक्रमी सेंच्युरी
2
पाकिस्तानवर मोठा प्रहार करा! पहलगाम हल्ल्यानंतर जगभरातील भारतीयांची निषेध आंदोलने
3
विद्यार्थ्यांच्या मनामनात रुजणार भारतीय संविधानाची मूल्ये; नागपूर विद्यापीठाने तयार केला अभ्यासक्रम
4
आनंदाच्या भरात पायाला लागलंय ते विसरला! वैभवच्या शतकी खेळीला द्रविडनं अशी दिली दाद (VIDEO)
5
वेटिंगवाल्या प्रवाशांचा चक्क लिनन बॉक्समधून प्रवास! रेल्वे पोलिसांनी सहा जणांना केली अटक
6
IPL 2025 : वैभव सूर्यंवशीच्या ऐतिहासिक खेळीच्या जोरावर २०० पारच्या लढाईत राजस्थानचा 'रॉयल' विजय
7
विविध रेल्वे गाड्यांमधून दारूच्या एकूण १० हजार बाटल्या जप्त! मद्य तस्करीविरोधात मोठी कारवाई
8
लातूर जिल्ह्यातील हाडोळती येथे युवकाच्या खून प्रकरणी न्यायालयाकडून दाेघांना पोलीस काेठडी
9
नागरिकत्व पाकिस्तानी, मात्र 'दिल हिंदुस्थानी'! उल्हासनगरात २५० जण 'भारतीय' होण्याच्या प्रतीक्षेत
10
'भारतीय सैन्य कधीही हल्ला करू शकते...', पाकिस्तानी संरक्षण मंत्र्याने व्यक्त केली भीती
11
बोगस डॉक्टरांविरोधात प्रशासनाने कसली कंबर; तालुकापातळीवरही समिती सक्षम होणार!
12
जिल्हा पोलिस दलातील सांगलीच्या सहा जणांना महासंचालक सन्मानचिन्ह; १ मे रोजी प्रदान सोहळा
13
हिवराच्या शेंगा खाल्ल्याने २६ मेंढ्यांचा मृत्यू; साताऱ्याजवळील फलटण तालुक्यातील घटना
14
RR vs GT : गिलचा कॅच सुटल्यावर बहिणीने मानले देवाचे आभार; तिची रिॲक्शन होतीये व्हायरल
15
पहलगाम हल्ल्याचा नवीन व्हिडिओ समोर; पर्यटकाच्या कॅमेऱ्यात कैद झाली संपूर्ण घटना, पाहा...
16
Padma Awards: क्रिकेटपटू आर अश्विनला पद्मश्री, हॉकीपटू श्रीजेशला पद्मभूषण; येथे पाहा संपूर्ण यादी!
17
पावसाळ्याआधी मृदा व जलसंधारणाविषयी मुख्यमंत्री देवेंद्र फडणवीसांनी घेतला 'हा' महत्त्वाचा निर्णय
18
'शरिया कोर्ट', 'कोर्ट ऑफ काजी'ला कायदेशीर मान्यता नाही; त्यांचे निर्देश बंधनकारक नाहीत: सर्वोच्च न्यायालय
19
मुलगी आयएएस अधिकारी झाली, आनंदोत्सवात वडिलांना ह्रदयविकाराचा झटका
20
युरोपात ब्लॅकआउट! फ्रान्स, स्पेनसह अनेक देशांमध्ये वीजपुरवठा खंडित; विमान, मेट्रोसेवा ठप्प

परभणी: २३ उमेदवारांचे भवितव्य मतदानयंत्रात झाले बंद

By लोकमत न्यूज नेटवर्क | Updated: June 23, 2019 23:46 IST

येथील नगरसेवकपदाच्या दोन जागांसाठी १४, मानवत येथील नगराध्यक्षपदासाठी ३ आणि सोनपेठ येथील नगरसेवकाच्या एका जागेसाठी ६ अशा निवडणूक रिंगणात असलेल्या २३ उमेदवारांचे भवितव्य रविवारी मतदान यंत्रात बंद झाले. तीनही ठिकाणी शांततापूर्ण वातावरणात मतदान झाले असून, सोमवारी निकाल हाती येणार आहे़

लोकमत न्यूज नेटवर्कपरभणी : येथील नगरसेवकपदाच्या दोन जागांसाठी १४, मानवत येथील नगराध्यक्षपदासाठी ३ आणि सोनपेठ येथील नगरसेवकाच्या एका जागेसाठी ६ अशा निवडणूक रिंगणात असलेल्या २३ उमेदवारांचे भवितव्य रविवारी मतदान यंत्रात बंद झाले. तीनही ठिकाणी शांततापूर्ण वातावरणात मतदान झाले असून, सोमवारी निकाल हाती येणार आहे़परभणी महानगरपालिकेतील नगरसेवक पदाच्या दोन रिक्त जागांसाठी पोटनिवडणूक घेण्यात आली़ प्रभाग ३ ड या जागेसाठी एकूण १० उमेदवार निवडणुकीच्या रिंगणात आहेत़ तर प्रभाग क्रमांक ११ अ या जागेसाठी ४ उमेदवार निवडणूक रिंगणात आहेत़ २३ जून रोजी सकाळी ७़३० वाजेपासून मतदान प्रक्रियेला प्रारंभ झाला़ प्रभाग क्रमांक ३ मध्ये १८ मतदान केंद्रावर तर प्रभाग क्रमांक ११ मध्ये एकूण १५ मतदान केंद्रांवर मतदान घेण्यात आले़ दिवसभर शांततेत मतदान प्रक्रिया पार पडली़प्रभाग क्रमांक ३ मध्ये एकूण १३ हजार ५८८ मतदारांपैकी ६ हजार ९९६ मतदारांनी मतदानाचा हक्क बजावला आहे़ त्यात ३ हजार १३० महिला तर ३ हजार ८६६ पुरुष मतदारांनी मतदान केले़ ५१़४९ टक्के मतदान झाले आहे़ प्रभाग क्रमांक ११ अ या जागेसाठी २१ हजार ३३५ मतदारांपैकी ५ हजार ५५० मतदारांनी (४८.९६ टक्के) मतदानाचा हक्क बजावला़ त्यात २ हजार ४४२ महिला मतदारांनी तर ३ हजार १०८ पुरुष मतदारांनी मतदानाचा हक्क बजावला आहे़ मतदान प्रक्रिया सुरळीत पार पाडण्यासाठी निवडणूक निर्णय अधिकारी डॉ़ सुचिता शिंदे, तहसीलदार विद्याचरण कडावकर, आयुक्त रमेश पवार, उपायुक्त गणपत जाधव, भगवान यादव, सहाय्यक लेखाधिकारी राठोड, नगरसचिव विकास रत्नपारखे, बाळासाहेब मोरे, मंजूर हसन, करुणा स्वामी, परमेश्वर पारधे, साहेबराव पवार आदींनी प्रयत्न केले़परभणी येथील कल्याण मंडपम्मध्ये सोमवारी सकाळी १० वाजेपासून मतमोजणी सुरू होणार असून, साधारणत: एक ते दीड तासांत निकाल हाती येईल, अशी अपेक्षा आहे.सोनपेठमध्ये ७४़९७ टक्के मतदानच्सोनपेठ- येथील नगरपालिकेच्या सदस्याच्या एका जागेसाठी २३ जून रोजी झालेल्या पोट निवडणुकीत ७४़९७ टक्के मतदान झाले़ सोमेश्वर मंदिर दहीखेड प्रभाग १ ब च्या रिक्त जागेसाठी रविवारी दोन केंद्रांवर मतदान घेण्यात आले़ १ हजार ५४२ मतदारांपैकी १ हजार १५६ मतदारांनी मतदानाचा हक्क बजावला़च्त्यात ५८१ पुरुष तर ५७५ महिला मतदारांनी मतदान केले़ या पोट निवडणुकीत निर्मला सोमनाथ चव्हाण, आश्रोबा रामराव चिकणे, भगवान बापूराव किरवले, लक्ष्मण पंडित खरात, राजकन्या सुनील रंजवे, सुशील बालासाहेब सोनवणे या सहा उमेदवारांचे भवितव्य मतदान यंत्रात बंद झाले आहे़ सोमवारी सकाळी १० वाजता मतमोजणी होणार आहे़नगराध्यक्षपदासाठी ५८़८५ टक्के मतदानलोकमत न्यूज नेटवर्कमानवत : येथील नगराध्यक्ष पदासाठी २३ जून रोजी २१ केंद्रांवर मतदान पार पडले़ सायंकाळी ५़३० वाजेपर्यंत ५८़८५ टक्के मतदारांनी मतदानाचा हक्क बजावला, अशी माहिती सहाय्यक निवडूक निर्णय अधिकारी उमेश ढाकणे यांनी दिली़ २४ जून रोजी निकाल जाहीर होणार आहे़नगराध्यक्षपदाच्या पोट निवडणुकीसाठी रविवारी सकाळी ७़३० ते सायंकाळी ५़३० या वेळेत मतदान पार पडले़ एकूण २६ हजार १५७ मतदारांपैकी १५ हजार ३९५ मतदारांनी मतदान केले़ त्यात ७ हजार ९६ महिला मतदार तर ८ हजार २९९ पुरुष मतदारांनी मतदानाचा हक्क बजावला़ सकाळी ९़३० वाजेपर्यंत ९़७६ टक्के मतदान झाले होते़ त्यानंतर मात्र हळूहळू मतदानाच्या टक्केवारीत वाढ झाली़ एकूण ५८़८५ टक्के मतदान झाले आहे़भाजपाचे उमेदवार प्रा़ एस़एऩ पाटील, काँग्रेसच्या उमेदवार पूजा खरात, अपक्ष उमेदवार रतन वडमारे यांचे भवितव्य मतदान यंत्रात बंद झाले आहे़२४ जून रोजी सकाळी ११ वाजता मतमोजणी सुरू होणार आहे़ दुपारी १ वाजेपर्यंत निकाल हाती येईल, अशी अपेक्षा आह़े़ मतदान प्रक्रिया सुरळीत पार पाडण्यासाठी निवडणूक निर्णय अधिकारी उमाकांत पारधी, सहाय्यक निवडणूक निर्णय अधिकारी उमेश ढाकणे यांनी प्रयत्न केले़ पोलीस निरीक्षक रमेश स्वामी यांनी चोख बंदोबस्त ठेवला होता़

टॅग्स :parabhaniपरभणीElectionनिवडणूकMuncipal Corporationनगर पालिका