परभणी : पालम - लोहा राज्य रस्त्यावर अंजानवाडीजवळ दुपारी १२ च्या सुमारास पिक अप टेम्पो न दुचाकीस धडक दिल्याने झालेल्या अपघातात एकाच कुटुंबातील तिघांचा मृत्यू झाला.
याबाबत अधिक माहिती अशी कि, बाबुराव सूर्यवंशी ( रा. निळा ता. पूर्णा) हे पालमहून लोह्याकडे एका लग्नासाठी पत्नी सुनिता व दोन मुले गणेश व ज्ञानेश्वर यांच्यासह दुचाकीवर ( एम एच 22 एके 5439) जात होते. अंजानवाडी गावाजवळ आले असता अचानक समोरून येणाऱ्या पिकअप टेम्पोने (एम एच 26 बी ई 0975) त्यांच्या दुचाकीला जोराची धडक दिली. यात दुचाकी रस्त्यापासून दूर फेकली गेली. यावेळी जबर मार लागलेले बाबुराव व त्यांचा ८ वर्षीय मुलगा गणेश हे जागीच ठार झाले. तर त्यांची पत्नी सुनिता व ११ वर्षीय मुलगा ज्ञानेश्वर हे दोघे गंभीर जखमी झाली. त्यांच्यावर नांदेड येथे उपचार सुरु साठी पाठविण्यात आले आहे. दरम्यान उपचार सुरु असताना सुनिता यांचाही मृत्यू झाला. या प्रकरणी पालम पोलिसांनी पिकअप वाहन ताब्यात घेतले असून चालकावर गुन्हा दाखल करण्याची प्रक्रिया सुरू होती.