गंगाखेड (जि. परभणी) - धनगर समाजाला एसटी प्रवर्गातून आरक्षण मिळावे आणि दीपक बोराडे यांच्या सुरू असलेल्या आंदोलनाला पाठिंबा म्हणून बुधवारी (१ ऑक्टोबर) गंगाखेड शहरात रास्ता रोको आंदोलन करण्यात आले. या आंदोलनादरम्यान ओबीसी नेते सुरेश बंडगर यांनी अंगावर पेट्रोल टाकून आत्मदहनाचा प्रयत्न केल्याने एकच खळबळ उडाली.
शहरातील महाराणा प्रताप चौक, परळी नाका येथे धनगर समाज बांधवांनी दुपारी रास्ता रोको आंदोलन सुरू केले होते. १२:४५ वाजता आंदोलनाचा शेवटचा टप्पा सुरू असतानाच सुरेश बंडगर यांनी स्वतःच्या अंगावर पेट्रोल ओतले व पेटवून घेण्याचा प्रयत्न केला. मात्र, पोलिसांनी तत्परता दाखवत त्यांना तात्काळ ताब्यात घेतल्याने मोठा अनर्थ टळला.
कोण आहेत सुरेश बंडगर?
सुरेश बंडगर गंगाखेडमधील ओबीसी नेते आहेत. सप्टेंबर २०२३ मध्ये चौंडी (जि. अहिल्यानगर) येथे धनगर समाजाला आरक्षण मिळावे या मागणीसाठी सलग २१ दिवसांचे आमरण उपोषण त्यांनी केले होते. त्यावेळी मंत्री गिरीश महाजन व माजी मंत्री अण्णासाहेब डांगे यांच्या आश्वासनानंतर त्यांनी उपोषण मागे घेतले होते. दरम्यान, आजच्या घटनेमुळे आंदोलनकर्त्यांत तसेच शहरात तणावाचे वातावरण निर्माण झाले आहे. पोलिसांनी परिस्थिती नियंत्रणात आणली असून पुढील तपास सुरू आहे.
Web Summary : During a Dhangar reservation protest in Gangakhed, OBC leader Suresh Bandgar attempted self-immolation. Police intervened, preventing the act. Bandgar had previously fasted for Dhangar reservation. The incident heightened tensions, but the situation is now under control.
Web Summary : गंगाखेड़ में धनगर आरक्षण आंदोलन के दौरान, ओबीसी नेता सुरेश बंडगर ने आत्मदाह का प्रयास किया। पुलिस ने हस्तक्षेप कर घटना को रोका। बंडगर पहले भी धनगर आरक्षण के लिए उपवास कर चुके हैं। घटना से तनाव बढ़ गया, लेकिन स्थिति नियंत्रण में है।