ठळक मुद्देजिल्ह्यात आत्तापर्यंत ६२३ रुग्ण आढळले आहेत यातील ३५८ जण कोरोनमुक्त झाले आहेत.
परभणी : शहरातील ६० वर्षीय सेवानिवृत्त कोरोनाबाधित कर्मचाऱ्याचा शुक्रवारी सकाळी ९.२५ वाजता जिल्हा सामान्य रुग्णालयात उपचारादरम्यान मृत्यू झाला.
परभणी शहरातील दर्गा रोड भागातील रहिवासी असलेल्या ६० वर्षीय सेवानिवृत्त कर्मचाऱ्यास कोरोनाची लागण झाल्याने १९ जुलै रोजी जिल्हा सामान्य रुग्णालयात उपचारासाठी दाखल करण्यात आले होते. उपचार सुरु असताना या व्यक्तीचा शुक्रवारी सकाळी ९.२५ वाजता मृत्यू झाला. हा व्यक्ती जिल्हा रुग्णालयातूनच सेवानिवृत्त झाला होता.
जिल्ह्यात आत्तापर्यंत ३० जणांचा कोरोनामुळे मृत्यू झाला आहे. दरम्यान, जिल्ह्यात आत्तापर्यंत ६२३ रुग्ण आढळले असून त्यातील ३५८ जण कोरोनमुक्त झाले आहेत.