-निकिता महाजन
आपण आताशा किती सहज लिहितो, टेक केअर. पण या शब्दाचा अर्थ कधी आपल्याला उमगत नाही. कारण असं टेक केअर आपण कधी स्वत:ला म्हणत नाही. गेल्या आठवड्यात जगभर लाइफ कोशंट याविषयावर चर्चा झाली. यूथ डे साजरा झाला तेव्हाही तरुणांचं आरोग्य, त्यांची झोप याविषयी भरपूर चर्चा झाली. आपण किती पोकळ खातो, त्यातून आपल्याला किती पोषक घटक मिळतात याचीही चर्चा झाली; मात्र त्याहून महत्त्वाची एक गोष्ट म्हणजे हेळसांड आणि दुर्लक्ष.
त्यामुळे आपल्याला एरव्ही किरकोळ वाटणार्‍या जर तब्येतीच्या तक्रारी असतील तर हे लक्षात घ्यायला हवं की, त्यामुळे आपला लाइफ आणि हेल्थ कोशंट घसरतो आहे. आणि पुढे जाऊन आपण लवकर म्हातारे होणार आहोत.
1. ओबेसिटी- वजनवाढ.
याविषयावर आपण बोलतो खूप. पण वजन का वेगानं वाढलंय, का वाढतंय याचं निदान होतंय का? ते कमी करण्यासाठी वैद्यकीय सल्ला घेतला जातोय का, हे तपासा.
2. वजन कमी होतंय.
आपलं वजन कमी आहे म्हणून खूश होऊ नका. कारण ते कमी का आहे आणि का कमी होतंय याची माहिती नसेल तर अशक्तपणानं आपण अगदीच ना-काम ठरू.
3. टाइप टू डिसिज
हा शब्द हल्ली सतत वापरला जातो. भारतात डायबेटिसच्या रुग्णांची वाढती संख्या. तरुण वयात होणारा डायबेटिस, वाढती शुगर यातून हा आजार होतोय. त्यामुळे जर शुगर वाढती असेल तर वेळीच डॉक्टरांचा सल्ला घ्या.
4. स्विमर इअर
काही तरुणांचा हल्ली सतत कान दुखतो. सतत ठणकतो. त्याचं कारण कानाला सतत असलेले इअर फोन. त्यानं कानाला दडी बसतात. त्यामुळे आपल्या कानाकडेही पहा, इअर फोनकडेही.
5. ड्राय डोळे
सतत स्क्रीनसमोर असल्यानं बहुतांश तरुणांना डोळे लाल होण्याचा, चुरचुरण्याचा त्रास होतो. डोळ्यातून पाणी येतं. त्यामुळे डोळ्यांची काळजी घ्या.
6. सतत अंगदुखी/डोकेदुखी
सतत अंगदुखी असते, डोकं दुखतं. हा त्रास होत असेल तर आपली लाइफस्टाइल तपासा. व्यायाम किती होतोय ते पहा. आणि त्वरित योग्य डॉक्टरचा सल्ला घ्या.
7. डिप्रेशन
हल्ली जरा उदास वाटलं, चिडचिड झाली की कुणीही म्हणतं मला डिप्रेशन आलंय. पण डिप्रेशनही मोठी गोष्ट आहे. त्यामुळे आपली चिडचिड ही शारीरिक कारणानं होतेय की मानसिक याविषयी डॉक्टरांकडे जाऊन सल्ला घ्या.
8. अनियमित पाळी
यासंदर्भात मुली बोलतच नाही. पाळी आली नाही तर कुणाला सांगत नाही; मात्र अनियमित पाळी ही आरोग्यास धोकादायक आहे, त्यावर वेळीच औषधोपचार घ्या.
9. पाठदुखी
हादेखील एक लाइफस्टाइल आजार. सतत पाठ दुखत असेल तर बाम चोळून उपयोग नाही. त्या वेदनेचं कारण शोधा.
10. बी हॅपी
हा आजार नाही, पण सतत असमाधान, सतत चिडचिड, कशातंच आनंद, समाधान न वाटणं असं होत असेल तर मानसोपचार तज्ज्ञांना भेटाच.