म्हणा ना ठणकावून, आय अॅम द बेस्ट

फालतू आहे मी, असं तुम्हीच स्वत:विषयी येताजाता म्हणत असाल,

 - समिंदरा हर्डिकर-सावंत

 

फालतू आहे मी, असं तुम्हीच स्वत:विषयी येताजाता म्हणत असाल,

तर लोकांनी काय म्हणून तुम्हाला आदर द्यावा?

 

म्हणा ना ठणकावून, आय अॅम द बेस्ट

 

तुमचे स्वत:बद्दलचे मत काय आहे?

म्हणजे तुम्हाला स्वत:बद्दल काय वाटतं?

- असा प्रश्न मुलाखतीत एकदम बाऊन्सरसारखा येऊन आदळला की अनेकांची विकेट उडते. काही जणांना एक शब्द स्वत:विषयी सांगता येत नाहीत आणि काही तर हा प्रश्न हे आपलं इंटरॉगेशन असल्यासारखे इतके निगेटिव्ह होतात, इतके धास्तावतात आणि स्वत:च्या चुकाच सांगू लागतात. 

सेल्फ एस्टीम अर्थात स्वत:विषयी आदर वाटणं ही एक फार मोठी गोष्ट आहे. नव्या जगात तर यशस्वी होण्यासाठीचं ते एक मोठं अस्त्र आहे हे आपण लक्षात ठेवायला हवं. 

स्वत:विषयी असलेला आदर, आत्मविश्वास यावर यशापयश अतिशय मोठय़ा प्रमाणात अवलंबून असतं.ज्या व्यक्ती स्वत:विषयी आदर आणि आत्मविश्वास बाळगून असतात त्या कामात अधिक उत्साही असतात, तणावाला अधिक सकारात्मकतेने सामो:या जाऊ शकतात, अधिक सामंजस्याने काम करू शकतात आणि इतरांशी चांगल्या प्रकारे जमवूनही घेतात.

पण स्वत:विषयीच आदर नसेल, खात्री नसेल तर इतरांविषयी इनसिक्युअर्ड वाटणारच!

मात्र स्वत:कडे आदरानं आणि सन्मानानं पाहायची सवय असेल तर मात्र अनेक अवघड गोष्टी सोप्या होतात.

 

* स्वत:विषयी आत्मविश्वास असेल तर  काम करताना अधिक उत्साह वाटतो. कामाचा हुरूपही जास्त असतो.

* नवीन किंवा आव्हानात्मक काम करायला संकोच वाटत नाही. उलट ते आव्हान स्वीकारावंसं वाटतं.

* आपल्या सहका:यांशी किंवा वरिष्ठांशी संवाद साधताना संकोच वाटत नाही, बिचकतही नाहीत तुम्ही. उलट अत्यंत आत्मविश्वसानं स्वत:ची मतं मांडता येतात.

* कुठल्याही कामात गटाचं नेतृत्व करता येतं. इतर माणसांचाही आत्मविश्वास वाढवता येतो.

* स्वत:च्या पात्रतेवर विश्वास असल्यानं  इतर कुणामुळे असुरक्षित वाटत नाही. स्वत:ची स्पर्धा स्वत:शी ठरवून अकारण स्पर्धा आणि इष्र्या टाळता येते.