कोलंबो : श्रीलंका अध्यक्षीय एकादश संघाने रोमहर्षक झालेल्या सराव वन-डे सामन्यात बांगलादेश संघावर २ धावांनी निसटता विजय मिळवला. श्रीलंकेने प्रथम फलंदाजी करताना ५० षटकांत ७ बाद ३५४ धावांचा डोंगर रचला. श्रीलंकेकडून संदन वीरोकोडे याने सर्वाधिक ५४ चेंडूंत ८ चौकार, २ षटकारांसह ६७ धावा केल्या. कौशल परेराने ७८ चेंडूंत ६४, चतुरंगा डिसिल्वाने ४७ चेंडूंत ५२, थिसारा परेराने ३० चेंडूंत ४१ धावा केल्या. बांगलादेशकडून मोहंमद शफीउद्दीन आणि सनझुम इस्लाम यांनी प्रत्येकी १ गडी बाद केला. प्रत्युत्तरात बांगलादेशचा संघ ५० षटकांत ८ बाद ३५२ धावा करू शकला. त्यांच्याकडून शब्बीर रहमानने ६३ चेंडूंत ११ चौकार, एका षटकारासह सर्वाधिक ७२ धावांची खेळी केली. महमुदुल्लाहने ६८ चेंडूंत ४ चौकार व एका षटकारासह नाबाद ७१, मोसदक हुसैनने ५३ व मुशर्रफा मोर्तजाने ३५ चेंडूंत ५८ धावा केल्या. संक्षिप्त धावफलक : श्रीलंका अध्यक्षीय एकादश संघ : ५० षटकांत ७ बाद ३५४. (संदन वीरोकोडे ६७, कौशल परेरा ६४, चतुरंगा डिसिल्वा ५२, थिसारा परेरा ४१. बांगलादेश : ५० षटकांत ८ बाद ३५२. (शब्बीर रहमान ७२, महमुदुल्लाह नाबाद ७१, मोसदक हुसैन ५३, मशुर्रफा मोर्तजा ५८. अकिला धनंजय ३/६१, चतुरंगा डिसिल्वा २/५३).
चुरशीच्या लढतीत श्रीलंकन अध्यक्षीय संघ विजयी
By admin | Updated: March 23, 2017 00:20 IST