स्मिथ-व्होग्सची चमक

कर्णधार स्टिव्हन स्मिथ (नाबाद १३१) आणि अ‍ॅडम व्होग्स (नाबाद १०१) यांनी झळकावलेल्या वैयक्तिक शतकांच्या जोरावर आॅस्ट्रेलियाने न्यूझीलंडविरुद्ध खेळल्या जात

पर्थ : कर्णधार स्टिव्हन स्मिथ (नाबाद १३१) आणि अ‍ॅडम व्होग्स (नाबाद १०१) यांनी झळकावलेल्या वैयक्तिक शतकांच्या जोरावर आॅस्ट्रेलियाने न्यूझीलंडविरुद्ध खेळल्या जात असलेल्या दुसऱ्या कसोटी सामन्यात सोमवारी चौथ्या दिवशी दुसऱ्या डावात १९३ धावांची आघाडी घेतली. रॉस टेलरला (२९०) त्रिशतक झळकावण्यात अपयश आले; पण त्याच्या दमदार खेळीच्या जोरावर न्यूझीलंडने पहिल्या डावात ६२४ धावांची दमदार मजल मारली. त्यानंतर आॅस्ट्रेलियाने दिवसअखेर दुसऱ्या डावात ६३ षटकांत २ बाद २५८ धावांची मजल मारली. आॅस्ट्रेलियाकडे एकूण १९३ धावांची आघाडी असून, त्यांच्या ८ विकेट शिल्लक आहेत. तिसऱ्या क्रमांकावर फलंदाजीला आलेल्या कर्णधार स्मिथने १७० चेंडूंना सामोरे जाताना १७ चौकारांच्या मदतीने नाबाद १३१ धावा फटकावल्या, तर व्होग्सने १८० चेंडूंना सामोेरे जाताना १५ चौकारांच्या मदतीने नाबाद १०१ धावा केल्या आहेत. त्याआधी, न्यूझीलंडचा फलंदाज रॉस टेलर त्रिशतकी खेळी करण्यात अपयशी ठरला. उपाहारापूर्वी न्यूझीलंडचा डाव ६२४ धावांत संपुष्टात आला. न्यूझीलंडला पहिल्या डावात ६५ धावांची आघाडी मिळाली. ३१ वर्षीय टेलरने आपल्या विक्रमी खेळीत ३७४ चेंडूंना सामोरे जाताना ४३ चौकार ठोकले. त्याने या खेळीत एकही षटकार मारला नाही. टेलर आॅस्ट्रेलियात विदेशी संघातर्फे सर्वाधिक धावा फटकावणारा फलंदाज ठरला आहे. टेलरने १११ वर्षे जुना विक्रम मोडला आणि न्यूझीलंडला पहिल्या डावात आघाडी मिळवून देण्यात महत्त्वाची भूमिका बजावली. आॅस्ट्रेलियातर्फे कर्णधार स्मिथ व व्होग्स यांनी तिसऱ्या विकेटसाठी २१२ धावांची अभेद्य भागीदारी करीत आॅस्ट्रेलियाला चौथ्या दिवसअखेर वर्चस्व मिळवून दिले. (वृत्तसंस्था)274* धावांची स्टीफन फ्लेमिंगने पी. सारा ओव्हल मैदानावर केलेली खेळी ही न्यूझीलंडकडून परकिय भूमीवर झालेली सर्वोच्च खेळी होती. न्यूझीलंडकडून परदेशात केवळ चौघांनीच २५0 च्या पुढे धावा केल्या आहेत. 364 धावांची खेळी करणारे इंग्लंडचे लेन हुटन हे आॅस्ट्रेलियाविरुध्दचे एकमेव त्रिशतकवीर आहेत. १९३८ मध्ये ओव्हलवर त्यांनी ही खेळी केली होती. टेलरच्या २९0 धावा आॅस्ट्रेलियाविरुध्द दुसऱ्या क्रमांकाची धावसंख्या बनली आहे.धावफलकआॅस्टे्रलिया (पहिला डाव) : १३३ षटकांत ९ बाद ५५० धावा घोषित.न्यूझीलंड (पहिला डाव) : १५३.५ षटकांत सर्वबाद ६२४ धावा.आॅस्टे्रलिया (दुसरा डाव) : जो बर्न्स झे. टेलर गो. साऊदी ०, डेव्हीड वॉर्नर झे. लॅथम गो. बोल्ट २४, स्टीव्हन स्मिथ खेळत आहे १३१, अ‍ॅडम व्होग्स खेळत आहे १०१. अवांतर - २. एकूण : ६३ षटकांत २ बाद २५८ धावा. गोलंदाजी : टिम साऊदी १३-३-४०-१; टे्रंट बोल्ट १०-०-५०-१; डग ब्रेसवेल १०-३-३४-०; मॅट हेन्री १२-३-४५-०; मार्क क्रेग १७-०-८१-०; केन विलियम्सन १-०-८-०.