Shocking : भारताच्या धावपटूची गळफास घेऊन आत्महत्या

आंतरराष्ट्रीय खेळाडू पलेंदर चौधरीने दिल्लीच्या जवाहरलाल नेहरू स्टेडियमच्या हॉस्टेलमध्ये गळफास घेऊन आत्महत्या केल्याचा धक्कादायक प्रकार बुधवारी घडला.

नवी दिल्ली : आंतरराष्ट्रीय खेळाडू पलेंदर चौधरीने दिल्लीच्या जवाहरलाल नेहरू स्टेडियमच्या हॉस्टेलमध्ये गळफास घेऊन आत्महत्या केल्याचा धक्कादायक प्रकार बुधवारी घडला. गोंडा येथील कॅमथल थाना येथील पलेंदर हा जवाहरलाल नेहरू स्टेडियममधील अॅथलीट अकादमीत राहत होता. त्याने हॉस्टेलच्या खोलीत पंख्याला गळफास घेत आत्महत्या केली. ''सोमवारी सकाळी वडिलांशी त्याचे फोनवर भांडण सुरू झाले होते. त्यानंतर त्याची बहीण येथे आली होती आणि तिने त्याच्याशी चर्चा केली होती. दुर्दैवाने आम्ही त्याला वाचवू शकलो नाही,''अशी माहिती भारतीय क्रीडा प्राधिकरणाच्या अधिकाऱ्याने दिली. 

''त्याला पैसे हवे होते. त्याला मी ते लवकरच देणार असल्याचे आश्वासन दिले होते. पण, त्यानंतर काय घडलं याची मला कल्पना नाही. स्टेडियममधील कोणावरही माझी तक्रार नाही,'' असे पलेंदर चौधरीच्या वडिलांनी सांगितले.