ऑनलाइन लोकमत
क्वालालांपूर, दि. ९ - भारतीय बॅडमिंटनपटू सायना नेहवाल हिचे मलेशिया सुपर सीरिज स्पर्धेतील आव्हान शनिवारी संपुष्टात आले. चीनच्या तै त्झु यिंग हिने सायनाचा सेमीफायनलमध्ये पराभव केल्याने सायना स्पर्धेच्या बाहेर पडली.
शनिवारी पार पडलेल्या सेमीफायनलमध्ये यिंगने ऑलिम्पिकमध्ये ब्राँझ मेडल पटाकवणा-या सायनाचा १९-२१, १३-२१ असा सरळ पराभव करत तिला बाहेरचा रस्ता दाखवला. आत्तापर्यंत यिंग व सायनाचा १२ वेळा मुकाबला झाला असून सायनाला ९ वेळा पराभव पत्करावा लागला आहे.