पंकज अडवाणी बनला १५ व्यांदा विश्वचॅम्पियन

भारताचा सर्वात यशस्वी स्नूकरपटू पंकज अडवाणीने चीनच्या झुआ शिंतोगला हरवून आयबीएसएफ विश्व स्नूकर चॅम्पियनशीप जिंकली आहे. पंकजने १५ व्यांदा हा किताब जिंकला आहे.

हरगाडा : भारताचा सर्वात यशस्वी स्नूकरपटू पंकज अडवाणीने चीनच्या झुआ शिंतोगला हरवून आयबीएसएफ विश्व स्नूकर चॅम्पियनशीप जिंकली आहे. पंकजने १५ व्यांदा हा किताब जिंकला आहे.‘बेस्ट आॅफ १५’ फायनलमध्ये पंकजने चिनी प्र्रतिस्पर्ध्याला ८-६ असे हरविले. यापूर्वी त्याने सप्टेंबरमध्ये आयबीएसएफ बिलियर्डस किताब जिंकला होता. हा त्याचा २00३ नंतर पहिला ‘१५-रेड’ स्नूकर किताब आहे. त्याने १२ वर्षापूर्वी चीनमध्येच हा किताब जिंकला होता. गेल्या वर्षी पंकजने पहिल्यांदा ‘६-रेड’ वर्ल्ड टायटल आपल्या नावांवर केले होते.